![Açiq mənbələrdən foto.](https://turan.az/resized/750/500/resize/media/2021/main/120400041874.jpg)
Açiq mənbələrdən foto.
Xarici İşlər Nazirliyi: Erməni tərəfin təxribatı səbəbindən Bayramovla Mirzoyanın görüşü baş tutmayıb
Bakı/04.12.21/Turan: Stokholmda ATƏT Xarici İşlər Nazirləri Şurasının toplantısı çərçivəsində Azərbaycan və Ermənistan Xarici İşlər nazirlikləri rəhbərlərinin görüşü Ermənistan parlamentinin deputatlarının Qarabağa təxribatyönlü səfəri səbəbindən baş tutmayıb. Bu barədə Azərbaycan Xarici İşlər Nazirliyinin rəsmi nümayəndəsi Leyla Abdullayeva görüşün baş tutmamasının səbəblərini şərh edərkən bildirib.
"Məlum olduğu kimi, dekabrın 2-3-də Stokholmda ATƏT Nazirlər Şurasının 28-ci toplantısı keçirilib. Toplantıda Azərbaycan xarici işlər naziri iştirak edib.
Toplantı ərəfəsində ATƏT-in Minsk Qrupunun həmsədrləri Stokholmda Azərbaycan və Ermənistan nazirlərinin görüşünün keçirilməsini təklif ediblər.
Azərbaycan hər zaman dialoq tərəfdarı olub və Nyu-York, Minsk və Parisdə əvvəlki görüşlərdə də Azərbaycanın xarici işlər naziri postmünaqişə dövründə Ermənistan-Azərbaycan münasibətlərinin normallaşdırılması ilə bağlı ölkənin mövqeyini səsləndirib", - Abdullayeva bildirib.
Ancaq dekabrın 3-də görüşə bir neçə saat qalmış ermənilər tərəfdən təxribat törədilib. Əsasən, erməni parlamentarilərin Azərbaycan Respublikası ərazisinə qanunsuz səfəri həyata keçirilib. Bu təxribata cavab olaraq Azərbaycan tərəfi Stokholmda iki ölkə nazirlərinin görüşünün keçirilməsini məqsədəuyğun hesab etməyib, Abdullayeva deyib.
Azərbaycanın iki ölkə arasında münasibətlərin normallaşdırılması istiqamətində atdığı addımlara baxmayaraq, Ermənistan öz hərbi-siyasi təxribatlarını davam etdirir. Ermənistanın mövqeyi regionda sülhməramlı səylərə xələl gətirir, azərbaycanlı diplomat fikrini yekunlaşdırıb.—06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz