![Açiq mənbələrdən foto.](https://turan.az/resized/750/500/resize/media/2021/main/102800040161.jpg)
Açiq mənbələrdən foto.
Xarici İşlər Nazirliyi İraqdan 38 azərbaycanlı uşağın repatriasiya edildiyini bildirib
Bakı/28.10.21/Turan: Bu gün İraqın cəzaçəkmə müəssisələri və uşaq evlərində saxlanılan 38 azərbaycanlı uşağın Bağdad-İstanbul-Bakı marşrutu ilə repatriasiyası həyata keçirilib. Bu barədə Azərbaycan Xarici İşlər Nazirliyinin məlumatında deyilir.
Onların Azərbaycana gətirilməsi hökumət tərəfindən həyata keçirilmiş koordinasiyalı və mərhələli tədbirlər nəticəsində mümkün olub. Belə ki, ilk növbədə repatriantların olduğu yer və Azərbaycan vətəndaşlığına mənsubiyyəti müəyyən edilib. Bundan sonra onlar Azərbaycana qayıdış şəhadətnamələri və uçuş biletləri ilə təmin edilib. Repatriasiyadan öncə uşaqların ilkin tibbi və psixoloji müayinəsi həyata keçirilib və onlara zəruri yardım göstərilib.
Azərbaycan Respublikasına gəldikdən sonra uşaqların reinteqrasiyası və reabilitasiyası üçün bütün lazımi tədbirlərin görülməsi nəzərdə tutulub.
Bu xüsusda, indiyədək 286 uşaq və 2 qadın olmaqla, ümumilikdə 288 nəfər Azərbaycan vətəndaşının İraq Respublikasından repatriasiyasına müvəffəq olunub.
Qeyd edək ki, repatriasiya olunanlar vaxtilə İŞİD və digər terrorçu qrupların tərəfində hərbi əməliyyatlarda iştirak etmək üçün Suriya və İraqa üz tutmuş şəxslərin ailə üzvləridir. - 06B-
-
- Bazarların icmalı
- 28 Oktyabr 2021 10:15
-
- İqtisadiyyat
- 28 Oktyabr 2021 11:52
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz