![XİN başçısı və BQXK prezidenti Ermənistan və Azərbaycan arasında əsir və girovların dəyişdirilməsi mümkünlüyünü müzakirə edib](https://turan.az/resized/750/500/resize/media/2019/main/102400022615.jpg)
XİN başçısı və BQXK prezidenti Ermənistan və Azərbaycan arasında əsir və girovların dəyişdirilməsi mümkünlüyünü müzakirə edib
Bakı/24.10.19/Turan: Oktyabrın 24-də XİN başçısı Elmar Məmmədyarov və Beynəlxalq Qırmızı Xaç Komitəsinin (BQXK) prezidenti Peter Maurer Ermənistan və Azərbaycan arasında əsir və girovların dəyişdirilməsi məsələsini müzakirə ediblər.
Peter Maurer Qoşulmama Hərəkatının Sammitində iştirak etmək üçün Bakıya gəlib.
"Nazir qeyd edib ki, Azərbaycan Ermənistan-Azərbaycan Dağlıq Qarabağ münaqişəsi kontekstində BQXK-nin fəaliyyətini müsbət qiymətləndirir. Bu zaman o, saxlanılan əsirlərin-girovların "hamı hamı ilə" prinsipinə əsasən azad edilməsi üçün göstərilən səylərin əhəmiyyətini qeyd edib", deyə DİN-in mətbuat xidmətinin məlumatında bildirilir.
Öz növbəsində, Maurer Məmmədyarova BQXK-nin bu istiqamətdə həyata keçirdiyi işlər barədə məlumat verib. Tərəflər həmçinin Azərbaycan və BQXK arasında münasibətlərin hazırki vəziyyətini və perspektivlərini müzakirə ediblər. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz