Bakı/13.04.18/Turan: Xarici işlər naziri Elmar Məmmədyarov Çexiyanın və Səudiyyə Ərəbistanı Krallığının Azərbaycandakı fövqəladə və səlahiyyətli səfirləri Vitezslav Pivonkanı və Müsaid bin İbrahim əs-Süleymini diplomatik fəaliyyətlərinin başa çatması ilə əlaqədar qəbul edib.
Görüşdə Azərbaycanla bu ölkələr arasında ikitərəfli münasibətlərin hazırkı durumu, son illər əldə edilmiş uğurlar və əməkdaşlıq perspektivləri barəsində fikir mübadiləsi aparılıb.
XİN mətbuat xidmətinin məlumatına görə, E.Məmmədyarov səfirlərin ölkələr arasında münasibətlərin inkişafına töhfə verdiklərini bildirərək onlara təşəkkür edib və gələcək fəaliyyətlərində uğurlar arzulayıb.
Səudiyyə Ərəbistanı səfiri ilə söhbət zamanı tərəflər Səudiyyə turistlərinin Azərbaycana marağının kəskin artdığını qeyd ediblər. 2017-ci ildə onların sayı 35 min nəfər təşkil edib.
El. Məmmədyarov Səudiyyə Ərəbistanı Krallığının Ermənistanın Azərbaycana qarşı təcavüz və işğalına münasibətdə tutduğu ardıcıl mövqeyini, Azərbaycanın haqlı və ədalətli mövqeyini beynəlxalq təşkilatlarda dəstəkləməsinin yüksək qiymətləndirib.-02D-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz