Bakı/28.11.19/Turan: Bu gün hakim Yeni Azərbaycan Partiyasının Siyasi Şurası parlamentin buraxılması və Milli Məclisə növbədənkənar seçkilər keçirilməsi təşəbbüsü irəli sürüb. Bu barədə bugünki mətbuat konfransında partiyanın icra katibi Əli Əhmədov bildirib.
O, bu təşəbbüsü "partiyanın prezident İlham Əliyevin həyata keçirdiyi islahatları dəstəkləmək istəyi" ilə izah edib.
Əhmədov islahatlar aparılması üçün parlamentin tərkibinin yenilənməsinin vacib olduğunu qeyd edib. Bununla əlaqədar Siyasi Şura YAP-çı deputatları parlamentin buraxılması haqqında təşəbbüs irəli sürməyə və prezidentə müraciət göndərməyə çağırıb.
YAP-dan olan deputatlar elə bu gün parlamentə müraciət qəbul ediblər. "Ümid edirik ki, parlament ən yaxın gələcəkdə bu qərarı qəbul edəcək", deyə Əhmədov bildirib.
Maraqlıdır ki, bir müddət əvvəl hakimiyyət və elə həmin Əli Əhmədov parlamentin buraxılması və növbədənkənar seçkilər haqqında şayiələri qəti şəkildə təkzib edirdilər. Bu zaman təkzib belə əsaslandırılırdi ki, parlamentin çox yaxşı iş qabiliyyətli var, ən yaxşı beyinlər orada cəmləşib. Amma Əhmədov bu nikbin qiymətləndirmələrin birdən-birə hansı səbəbdən dəyişdiyini açıqlamağı unudub. -71B06-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz