Yapçılar Dövlət Departamentinə cavab verir

Parlamentin hakim partiyadan olan deputatları bu gün ABŞ Dövlət Departamentinin insan hüquqları ilə bağlı hesabatına cavab verməyi qərara alıblar. Hesabatda Azərbaycanda insan hüquqları sahəsində vəziyyət kəskin tənqid edilir.

Maraqlıdır ki, onlar bu barədə ombudsman Elmira Süleymanovanın insan hüquqları sahəsində vəziyyətlə bağlı hesabatının müzakirəsi zamanı danışıblar.

Yeni Azərbaycan Partiyasından deputat Siyavuş Novruzovun sözlərinə görə, Əfqanıstanda taliblərin hakimiyyəti zamanı narkotik dövriyyəsi əvvəlki illərin həcminin 3%-nə qədər azalıb.

Amerikalılar gəldikdək sonra xaşxaş plantasiyalarının sayı 60 dəfə artıb, NATO qoşunları isə kənar heç kimin Avropa ölkələrinə göndərilən heroinə zərər verməməsi üçün bütün istehsal zəncirini müdafiə edir, deyə Novruzov bildirib.

Digər hökumətyönlü deputat Zahid Oruc hesab edir ki, Suriyada Əsəd ailəsinin yüz illik hakimiyyəti zamanı vəziyyət bu gün olduğundan daha yaxşı idi.

“Əsədin dövründə amerikalılar vətəndaşların hüquqlarının pozulmasından danışırdılar, bu gün isə on minlərlə insan öldürülüb, vətəndaş müharibəsi gedir. Liviyada ABŞ insan hüquqlarının pozulduğunu, Qəddafinin gizli hesablarında milyardlarla dollar aşkar etdi. Bu pul xalqa çatdımı? İraqda və ABŞ qoşunlarının daxil olduğu digər ölkələrdə də vəziyyət buna bənzərdir”, deyə o bildirib.

Buna cavabda parlamentin sədr müavini, Yeni Azərbaycan Partiyasının üzvü Ziyafət Əsgərov Krılovun “Qurd və quzu” təmsilini söyləyib. Burada quzunun təqsiri qurdun ac olmasında olub. Onun sözlərinə görə, ABŞ və digər güclü ölkələr maraqları olan ölkələrdə hökumətləri talan edir və talan etməkdə davam edəcək, bu hökumətlər isə öz əhalisini soyacaq.

Əsgərov kimi nəzərdə tutduğunu açıqlamayıb. -17D-