Yaponiyanın Azərbaycandakı Səfirliyi 2022-ci il Yaponiya Dövlət Təqaüd Proqramına qəbul elan edib

Bakı/27.04.21/Turan: Yaponiyanın Azərbaycandakı Səfirliyi hər il olduğu kimi bu il də Yaponiya Dövlət Təqaüd Proqramı (MEXT) üzrə sənəd qəbuluna başlayıb.

Yaponiyanın Azərbaycandakı Səfirliyi bildirir ki, bu proqram Yaponiyanın Təhsil, Mədəniyyət, İdman, Elm və Texnologiya Nazirliyinin (MEXT) xarici tələbələr üçün təqdim etdiyi tam təqaüd proqramı olaraq, təhsil haqqından azad olma, Yaponiyaya gediş və dönüş biletləri, aylıq təqaüdü nəzərdə tutur. Hal-hazırda 3 təhsil proqramı üzrə sənəd qəbulu 31 may, 2021- ci ilədək davam edəcəkdir. Bütün proqramlar məzmunu, müraciətçiyə olan şərtlər, seçim prosedurları, müraciət üçün lazım olan sənədlər haqqında ətraflı məlumatı bu saytdan ala bilərsiniz (https://www.az.emb-japan.go.jp/itpr_ja/00_000139.html#section3) 

1. 2022-ci il Elmi-tədqiqat (elmi-tədqiqatçı tələb, magistratura, doktorantura) üzrə Yaponiya Dövlət Təqaüd proqramı.

2. 2022-ci il Bakalavr üzrə Yaponiya Dövlət Təqaüd proqramı.

3. 2022-ci il Texnologiya Kolleci üzrə Yaponiya Dövlət Təqaüd proqramı.

“Elmi-tədqiqat” üzrə təqaüd proqramı ilk öncə 2 illik tədqiqatçı tələbə kimi qeyri-dərəcə proqramından başlayaraq, daha sonra müvafiq olaraq magistratura və ya doktorantura pilləsinədək irəliləyən minimum 2 illik təhsil proqramı olub, universitetin bakalavr pilləsinin bu il bitirəcək şəxslərdən başlayaraq 35 yaşadək şəxslərin müraciəti üçün açıqdır.

Bakalavr proqramı 1 illik hazırlıq və 4 illik bakalavr pilləsi təhsili olmaqla cəmi 5 illik proqram olaraq, orta məktəbi bu il bitirəcək şəxslərdən başlayaraq 25 yaşadək şəxslərin müraciəti üçün nəzərdə tutulub.

Texnologiya kollecində təhsil proqramı 1 illik hazırlıq və 3 illik ixtisas təhsili daxil toplam 4 illik təhsil proqramını əhatə edərək, orta məktəbi bu il bitirəcək şəxslərdən başlayaraq 25 yaşadək şəxslərə şamil olunan təhsil proqramıdır.

Yaponiya Səfirliyi tərəfindən qeyd olunan proqramlar üzrə brifinq keçiriləcək.

Əlaqə üçün Yaponiyanın Azərbaycan Respublikasındakı Səfirliyi. Telefon: 490-78-18/19 (həftəiçi iş günləri saat 10:00-13:00) FAX: +99412 490 7817/20 Email: culture-info@bk.mofa.go.jp WEB: www.az.emb-japan.go.jp -0-