Yeni Azərbaycan Partiyasının növbədənkənar qurultayı və fikir ayrılıqları

Bakı/06.03.21/Turan:  Martın 5-də hakim Yeni Azərbaycan Partiyasının yeddinci növbədənkənar qurultayı başa çatıb. Məlumdur ki, qurultay əvvəllər müxtəlif səbəblərdən mətbuat və ölkə rəhbərliyi tərəfindən tənqidə məruz qalmış bəzi funksionerləri partiya rəhbərliyinə seçməyib, partiya idarəetmə qurumlarını ləğv edib və yenilərini yaradıb. Azərbaycanın birinci vitse-prezidenti Mehriban Əliyeva partiya sədrinin birinci müavini, prezident İ.Əliyev isə sədr seçilib.

"Yeni Azərbaycan Partiyasının qurultayı Azərbaycana və xalqa heç bir xeyir gətirməyib, həmçinin bu partiya hakim ailənin icraçı siyasi strukturu olaraq ölkənin ictimai-siyasi həyatında iştirak etmir",- Müsavat Partiyasının sədri Arif Hacılı Turan- a müsahibəsində deyib.

Qurultayda formal olaraq prezident qərarları təsdiq edilib. YAP müstəqil partiya deyil, faktiki olaraq hakimiyyətin arzuolunmaz xadimlərinə təzyiq strukturu funksiyasını yerinə yetirir. Qurultaydan sonra onun bu əhəmiyyəti daha da gücləndi, çünki sərf etməyən şəxslər YAP-dan çıxarıldı, kollegiallıq mexanizmi aradan qaldırıldı, İdarə Heyətinə hakim ailəyə sadiq şəxslər toplandı. Bu dəyişikliklərdə məqsəd  mümkün siyasi böhran vəziyyətində YAP-ın hakimiyyətin nəzarətindən çıxmamasıdır", - o bildirib.

A. Hacılı qurultayın xalq üçün ancaq bir xeyrini söyləyib: YAP-a adları xalqa məlum olmayan saxta partiyalar qəbul edilib, bu təşkilatların heç bir fəaliyyəti qeyd olunmayıb. "Faydalı olar ki, Azərbaycanda mövcud olan 50-yə yaxın belə partiya YAP tərəfindən qəbul edilsin, belə ki, onların elan olunan məqsədləri Yeni Azərbaycan Partiyasının məqsədlərindən fərqlənmir", - o qeyd edib.

Müsavat" lideri diqqəti YAP-ın xalqın ehtiyaclarından kənarda qalmasına yönəldib. Hakim partiya 44 günlük müharibə günlərində və hərbi əməliyyatların yekunlarına dair ölkə üçün vacib bəyanat, təşəbbüslə çıxış etmədi, halbuki, bütün müxalifət partiyaları və vətəndaş cəmiyyəti qələbə üçün hər şeyi etməyə hazır olduqlarını bəyan etdilər, xalqı qələbə naminə birləşməyə çağırdılar,- A. Hacılı xatırladıb.

Ümid  Partiyasının sədri İqbal Ağazadə Turan-a bildirib ki, YAP-ın qurultayının azərbaycanlıların və ölkə siyasətinin həyatı üçün heç bir əhəmiyyəti yoxdur.

"Bu partiya yalnız məmurları, müxtəlif peşə sahibi olan vətəndaşları bir yerə toplamaq üçün yaradılıb və onlar başqa partiyaların üzvü ola, siyasi həyatda fəal iştirak edə bilməzdilər. YAP bu insanların həyatına nəzarət və ictimai rəyə təsir göstərmək üçün lazımdır", - İ.Ağazadə deyib.

O, YAP-ı və bu partiyanın qurultayını ölkə üçün əhəmiyyətli hesab etmir, belə ki, YAP-da cəmi bir neçə üzv dövlətdəki hadisələri müəyyən edən liderdir.   

Yeni Azərbaycan Partiyası Siyasi Şurasının üzvü, Milli Məclisin deputatı Eldar İbrahimov Turan-a müsahibəsində konsolidasiya, məsələlərin operativ həlli üçün partiya rəhbərliyinin möhkəmlənməsində, növbədənkənar qurultayın əhəmiyyətini yüksək qiymətləndirib.

O, YAP-da struktur dəyişikliklərini sadalayaraq deyib ki, təşkilatın yeni tərkibdə rəhbərliyi zamanın çağırışlarına cavab verə biləcək. Bu arada partiyanı yaratmış və artıq  Veteranlar Şurasının üzvü olan  unudulmayacaq, Veteranlar Şurasının üzvü olacaq. "Biz repressiyalardan qorxmayaraq ölkəmizin ağır günlərində Naxçıvanda Yeni Azərbaycan Partiyasını yaratdıq və YAP sədrinin onun yaradıcılarına olan hörmətli münasibəti mənim üçün fərəhli haldır.

E. İbrahimov hesab edir ki, Mehriban Əliyevanın partiya sədrinin birinci müavini vəzifəsinə seçilməsi düzgün qərardır. Belə ki, M.Əliyevanın xidmətləri danılmazdır, bu barədə hamı bilir.

O, bir neçə digər partiyanın YAP-a daxil olmasını bu partiyanın uğuru adlandırıb. Belə ki, onlar qərara alıblar ki,  hakim partiya ilə ümumi olan siyasi vəzifələr YAP-dan ayrı qalmağı onlar üçün mənasız edir.

"Yeni Azərbaycan Partiyasının qurultayı ölkədə demokratiyanın və siyasi azadlıqların inkişafına öz töhfəsini verəcək", - E. İbrahimov vurğulayıb..-0—