![Əli Mustafa](https://turan.az/resized/media/2021/main/101900039776-750-500-resize.webp)
Əli Mustafa
Yeni partiya – Demokratik Dəyişim Partiyası yaradılır
Bakı/19.10.21/Turan: İctimai-siyasi fəallardan ibarət qrup dünən Demokratik Dəyişim Partiyasının (DDP) yaradılması üzrə təşkilat komitəsi təsis edib. Təşkilat komitəsinin sədri vəzifəsinə Əli Mustafa seçilib.
Yeni Partiyanın təsis edilməsinin əsas məqsədi Azərbaycan xalqının suverenliyinin qorunmasına, ölkədə həqiqi demokratiyanın bərqərar olunmasına və milli maraqların təmin edilməsinə nail olmaqdır.
DDP hakimiyyətin xalqın həqiqi iradəsinə uyğun və legitim əsaslarla formalaşdırılmasını; daxili və xarici siyasətdə beynəlxalq hüququn prinsiplərinin əsas tutulması və beynəlxalq öhdəliklərin icrasının təmin olunmasını; insan hüquq və azadlıqlarının, xalqın rifahının və təhlükəsiz həyatının təmin olunması; idarəetmənin əks mərkəzləşmə, qanunçuluq, hesabatlılıq və şəffaflıq prinsipləri əsasında qurulmasını; qanunun aliliyinin və hakimiyyət qanadları arasında balansın təmin olunmasını; həqiqi bazar münasibətlərinin, azad sahibkarlığın və ədalətli rəqabətin təmin olunmasını prioritet vəzifələri hesab edir.
Təşkilat Komitəsinin sədri Mustafanın Turan-a verdiyi məlumata görə, yaxın günlərdə təşkilatın regional strukturlarının yaradılması üzrə işlərin həyata keçirilməsi və təsis qurultayının keçirilməsi nəzərdə tutulur.
Onun sözlərinə görə, partiya xarici siyasətində Türkiyə ilə xüsusi münasibətlərə malik olmaqla birlikdə, beynəlxalq ictimaiyyətin bütün iştirakçıları ilə əməkdaşlığın tərəfdarıdır. Partiya həmçinin Azərbaycanın avrointeqrasiya perspektivlərinə müsbət yanaşır.
Mustafa 1965-ci ildə Bərdədə dünyaya gəlib. İxtisasca hüquqşünasdır, elmi-pedaqoji fəaliyyətlə məşğul olur. 1980-ci illərin sonu – 1990-cı illərin əvvəllərində milli-demokratik hərəkatda fəal iştirak edib.
Son illər Demokratik Dəyişim ictimai platformasının üzvü olub. -06D-
-
- Cəmiyyət
- 19 Oktyabr 2021 16:51
-
- Mədəniyyət
- 19 Oktyabr 2021 17:30
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz