Yerevan Bakının Qarabağa gedən yeni marşrutdan istifadə etmək tələbini qəbul etmir

Bakı/03.08.22/Turan: Azərbaycanın Laçın dəhlizini başqa marşrutla əvəz etmək tələbi qanunsuzdur, Təhlükəsizlik Şurasının katibi Armen Qriqoryan belə düşünür. Bu barədə o, Azərbaycanın Rusiya sülhməramlılarının komandanlığı vasitəsilə Qarabağ və Ermənistan arasında əlaqəni başqa marşrutla təşkil etməyi tələb etməsi barədə məlumatı şərh edərkən bildirib.

Qriqoryan 9 noyabr 2020-ci il tarixli üçtərəfli bəyanatın altıncı bəndinə istinad edib. Burada deyilir ki, "tərəflərin razılığı ilə Üç il ərzində Laçın dəhlizi boyunca Dağlıq Qarabağ və Ermənistan arasında rabitə təmin edən yeni bir nəqliyyat marşrutunun inşası üçün bir plan müəyyən ediləcək və bu marşrutu qorumaq üçün sonra burada Rusiya sülhməramlı kontingenti yenidən yerləşdiriləcək. Azərbaycan hər iki istiqamətdə vətəndaşların, nəqliyyat vasitələrinin və malların Laçın dəhlizi boyunca hərəkətinin təhlükəsizliyinə zəmanət verir".

Onun sözlərinə görə, bu sənədin imzalanmasından ötən dövr ərzində danışıqlar aparılıb, amma hələlik razılaşdırılmış plan yoxdur. "Ermənistan heç bir planla razılaşmayıb, buna görə Azərbaycanın tələbi qanunsuzdur", deyə o bildirib. 02D