Açiq mənbələrdən foto.
Bakı/17.06.21/Turan: Ermənistanın müdafiə naziri səlahiyyətlərini icra edən Vaqarşak Arutyunyan RF müdafiə naziri Sergey Şoyqu ilə telefonla danışaraq, “Ermənistan-Azərbaycan sərhədində vəziyyətin həlli yollarını” müzakirə edib. Bu barədə Ermənistan Müdafiə Nazirliyinin mətbuat xidməti məlumat yayıb.
Tərəflər həmçinin Ermənistan-Azərbaycan sərhədinin Sünik və Qeqarkunik hissələrində Rusiya sərhədçilərinin yerləşdirilməsi məsələsini müzakirə ediblər.
Arutyunyan bir daha “Azərbaycan hərbiçilərinin Ermənistan ərazilərini tərk etməli olması” barədə məsələni qaldırıb, deyə məlumatda qeyd edilir.
Həmsöhbətlər həmçinin Qarabağdakı Rusiya sülhməramlı kontingentinin işini və digər məsələləri nəzərdən keçiriblər.
Qeyd edək ki, bir müddət əvvəl Ermənistan baş naziri səlahiyyətlərini icra edən Nikol Paşinyan Ermənistan-Azərbaycan sərhədinin Azərbaycanın Kəlbəcər və Laçın rayonları ilə sərhəddə yerləşən Sotk-Xoznavar hissəsində Rusiya sərhədçilərinin yerləşdiriləcəyini bəyan edib.
Qeyd edək ki, Ermənistan hakimiyyəti bu məsələni dəfələrlə Moskva qarşısında qaldırıb. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz