“Uşaqların dinə etiqad etməyə məcbur edilməsi qadağandır”, qanuna yeni dəyişklikdə belə deyilir

Bakı/17.06.21/Turan: Prezident İlham Əliyev Azərbaycan Milli Məclisinin “Dini etiqad azadlığı haqqında” qanuna etdiyi dəyişikliklərin icrası ilə bağlı fərman imzalayıb.

Fərmana görə, iyunun 16-dan etibarən ailədə dini tərbiyə məsələsində dövlətin vacib qadağası qüvvəyə minib.

Belə ki, qanunun əvvəlki reaksiyasında deyilirdi ki, valideynlər və ya onları əvəz edən şəxslər, qarşılıqlı razılıq əsasında, uşaqlarını özlərinin dini əqidəsinə və dinə münasibətinə müvafiq olaraq tərbiyə edə bilərlər. Artıq qanunda bu redaksiyada dəyişiklik edilib: “Valideynlər və ya digər qanuni nümayəndələr, qarşılıqlı razılıq əsasında, uşaqları özlərinin dini əqidəsinə və dinə münasibətinə müvafiq olaraq tərbiyə edə bilərlər. Uşaqların dinə etiqad etməyə məcbur edilməsi qadağandır. Uşaqların dini tərbiyəsi onların fiziki və psixi sağlamlığına mənfi təsir göstərməməlidir”. -0-