Nikol Pashinyan
Yerevan/22.07.21/Turan: Ermənistanın baş nazirinin səlahiyyətlərini icra edən Nikol Paşinyan sərhədlərin demarkasiyası prosesinə başlamağa imkan yaradılması üçün yenidən "qoşunların qarşılıqlı çıxarılması" və Rusiya sərhədçilərinin yerləşdirilməsi təklifilə çıxış edib. Bu barədə Nazirlər Kabinetinin rəhbəri cümə axşamı hökumətin iclasında bildirib.
"Biz növbəti dəfə Sotk-Hoznavar sahəsində (Ermənistanın Geqarkunik və Sünik vilayəti) sərhədlərdən qoşunların qarşılıqlı çıxarılmasına başlamağı, bundan sonra Rusiya sərhədçilərinin və ya beynəlxalq müşahidəçilərin sərhəd boyunca yerləşdirilməsini təklif edirik. Bu, sərhədlərin demarkasiyası və delimitasiyası prosesinin başlanmasına şərait yaradacaq", - Paşinyan deyib.
O həmçinin qeyd edib ki, Azərbaycanın destruktiv siyasəti regionda əmin-amanlığın yaranmasına və kommunikasiyaların açılmasına dair razılaşmaların reallaşdırılmasına mane olur.
Rəsmi Bakı hələlik buna reaksiya verməyib.-02D-
Siyasət
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
-
ABŞ Dövlət katibi Marko Rubio cümə günü əksər mövcud xarici yardım qrantlarının 90 gün müddətinə dayandırılmasını əmr edən göstəriş imzalayıb. Bu qərar Dövlət Departamenti rəsmilərini şoka salıb və Politico-nun məlumatına görə, Ukraynaya hərbi yardımın maliyyələşdirilməsini hədəfə alıb.
-
İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan Xarici İşlər Nazirliyinə (XİN) çağırılıb, bu barədə Azərbaycan XİN-in yanvarın 25-də yaydığı məlumatda bildirilir.
Rəy yaz