Yerevan/16.04.18/Turan: Bir neçə gündür ki, Yerevanda küçə mitinqləri davam edir. Mitinq iştirakçıları Ermənistanın keçmiş prezidenti Serj Sarkisyanın baş nazir təyin edilməsinə etiraz edirlər.
Aprelin 16-da bir neçə min adam Yerevanın bəzi mərkəzi küçələrini bağlayıb, RİA Novosti məlumat yayıb.
Polis əməkdaşları küçənin keçid hissəsinin boşaldılmasını tələb edir, ancaq aktiv tədbirlər həyata keçirmirlər.
Ötən gün etirazçı hərəkatın lideri, parlamentin "Yelk" fraksiyasının rəhbəri Nikol Paşinyan bildirib ki, onun tərəfdarları körpüləri, küçələri və metro stansiyalarını bağlamaq niyyətindədir.
Şənbə günü hakim Respublika Partiyasının sədr müavini Armen Aşotyan bildirib ki, S.Sarkisyan baş nazir postuna rəsmən irəli sürülüb. Qanunvericiliyə görə, eks-prezidentin namizədliyini parlamentin iclasına hakim Respublika Partiyası irəli sürəcək. Baş nazir seçkisi aprelin 17-də gözlənilir.
Etirazçılar isə Yerevanın ətrafını mərkəzlə birləşdirən bütün körpüləri bağlamağa, metropolitenin hərəkətini dayandırmağa hazırlaşırlar.
Müxalifətçi lider vətəndaşları bank kartlarında saxladıqları pulları nağdlaşdırmağa, həmçinin tətil elan etməyə, tədris müəssisələrində dərsləri boykot etməyə çağırıb.
Polis etirazçıları qanunazidd hərəkətlərə yol verməməyə çağırıraq qanunu pozanlara qarşı tədbir görüləcəyini bildirib.-02D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz