Bakı/19.01.22/Turan: Ermənistan Rusiya vasitəsilə sərhəd zonasında gərginliyin aradan qaldırılmasına dair təkliflər paketini Azərbaycana təqdim edib. Bu barədə xarici işlər naziri Ararat Mirzoyan yanvarın 19-da parlamentin iclasında deputatlarla görüşündə bildirib.
Mirzoyanın sözlərinə görə, Ermənistan tərəfi gərginliyin aradan qaldırılması, habelə sərhəd zonasında sabitliyin və təhlükəsizliyin artırılması haqqında təkliflər paketi hazırlayıb.
"Paket həm Rusiyaya, həm də Moskva vasitəsilə Azərbaycana təqdim edilib. Təbii ki, təfərrüatını açıqlaya bilmərəm", deyən Mirzoyan elə buradaca əlavə edib ki, təkliflər "qoşunların qarşılıqlı olaraq çıxarılmasını və əlavə təhlükəsizlik mexanizmlərinin yaradılmasını" nəzərdə tutur.
Qeyd edək ki, Mirzoyanın dedikləri Bakını dəfələrlə rədd etdiyi təkliflərin təkrarıdır. Azərbaycan, eləcə də Rusiya gərginliyin aradan qaldırılmasını iki ölkə arasındakı sərhədlərin Azərbaycan və Ermənistan SSR-in sərhədi əsasında delimitasiyasında görür. -02D-
Siyasət
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
-
Azərbaycandakı diplomatik missiyanı başa vuran ABŞ səfiri Mark Libbi yekun çıxış edib. Səfirliyin Facebook səhifəsində dərc olunan çıxışda deyilir:
-
Yanvarın 18-də prezident İlham Əliyev Türkiyənin xarici işlər naziri Hakan Fidanı qəbul edib.
Rəy yaz