Yevlaxdakı görüş başa çatıb /YENİLƏNİB/

Cümə axşamı saat 13:15-də rəsmi Bakı nümayəndələrinin Qarabağ ermənilərinin nümayəndələri ilə Yevlax şəhərində keçirilən görüşü başa çatıb. Mətbuat üçün hər hansı bəyanat verilməyib. 0 

*   *   *

2023 Sentyabr 21 (Cümə axşamı) 10:34:32

Yevlaxda Bakı və Qarabağ ermənilərinin nümayəndələri arasında görüş başlayıb

Bakı/21.09.23/Turan: Sentyabrın 21-də səhər saatlarında Qarabağ ermənilərinin nümayəndə heyəti rəsmi Bakı nümayəndələri ilə görüşmək üçün Yevlaxa gəlib.

Azərbaycanın teleqram kanallarında yayılmış videokadrlardan göründüyü qədər, Qarabağın nümayəndə heyəti Ağdam-Bərdə yolu ilə qara şüşəli üç qara yolsuzluq avtomobili ilə, Azərbaycan polis maşınlarının və Rusiya sülhməramlılarının bir nəqliyyat vasitəsinin müşaiyəti ilə gəlib.

Danışıqlarda Qarabağda separatçı qurumların ortadan qaldırılması, silahların təhvil verilməsi və regionun Azərbaycana reinteqrasiyasının başlaması haqqında 20 sentyabr tarixli bəyanatda elan edilmiş tədbirlərin işlənib hazırlanması gözlənilir.

Tərəflər danışıqlarda kimin iştirak edəcəyini açıqlamayıb. Dünən prezident İlham Əliyev deyib ki, Bakını onun şəxsi nümayəndəsi təmsil edəcək. Bu vəzifəni Elçin Əmirbəyov tutur.

Bəzi məlumatlara görə, Qarabağın nümayəndə heyətinə "dövlət naziri" Artur Arutyunyan başçılıq edir. 06В