Vaşinqton D.C./26.06.23/Turan: Azərbaycan və Ermənistanın yüksək səviyyəli diplomatları sabah, iyunun 27-də fikir ayrılıqlarını aradan qaldırmaq və davamlı sülh sazişi bağlamaq üçün sülh danışıqlarının yeni raunduna başlamağa hazırlaşırlar. Bu barədə TURANın Vaşinqton müxbiri iki diplomatik mənbələrə istinadən bildirir.
Mənbələrin qeyd etdiyinə görə, əvvəlcə iki həftə əvvəl başlaması nəzərdə tutulan danışıqlar “planlaşdırmada problemlər” səbəbindən təxirə salınıb. "Başqa səbəb yox idi - planlaşdırma məsələlərindən başqa", - diplomatlardan biri deyib.
Bu, iki aydan az müddətdə dövlət katibi Antoni Blinkenin dəvəti ilə sülh danışıqlarının ikinci mərhələsi olacaq.
Xarici işlər nazirləri Ceyhun Bayramov və Ararat Mirzoyanın son dəfə olduğu kimi Dövlət Departamentinin Arlinqtondakı Corc Şultz adına Xarici Əlaqələr üzrə Milli Tədris Mərkəzində, “diqqət mərkəzindən uzaq” bağlı qapılar arxasında müzakirələri davam etdirəcəkləri gözlənilir. .
Başqa bir mənbə qeyd edib ki, bu həftəki danışıqlar bir neçə gün, yəni 29 iyun cümə axşamına kimi davam edə bilər.
TURANın əldə etdiyi məlumata görə, nazirlərin Vaşinqtonda olduqları müddətdə Ağ Evin Milli Təhlükəsizlik Şurasının rəsmiləri ilə də görüşləri gözlənilir.
Aleks Raufoğlu
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz