Bakı/14.07.21/Turan: Bu gün Azərbaycanın müdafiə naziri Zakir Həsənov Türkiyənin Bakıda yeni təyin olunmuş fövqəladə və səlahiyyətli səfiri Cahit Bağçı ilə görüşüb.
Müdafiə Nazirliyinin mətbuat xidmətinin məlumatına görə, o, Azərbaycan ordusunun Türkiyə Silahlı Qüvvələrinin standartlarına uyğunlaşdırılması istiqamətində islahatların davam etdirildiyini bildirib.
Nazirin sözlərinə görə, müxtəlif qoşun növlərinin, o cümlədən hər iki ölkənin xüsusi təyinatlı qüvvələrinin cəlb edilməsilə birgə hərbi təlimlərin sayının artırılması nəzərdə tutulur.
Azərbaycanla Türkiyə arasında hərbi, hərbi-texniki, hərbi-təhsil və hərbi-tibb sahələrində əməkdaşlığın səviyyəsini yüksək qiymətləndirən Həsənov hərbi kadrların hazırlanmasına və işğaldan azad edilmiş ərazilərin mina və partlamamış döyüş sursatlarının təmizlənməsi işinə verdiyi dəstəyə görə Türkiyə tərəfinə təşəkkürünü bildirib.
Öz növbəsində Bağçı Azərbaycan-Türkiyə əlaqələrinin, xüsusilə hərbi sahədə əməkdaşlığın inkişafı üçün səylərini əsirgəməyəcəyini bildirib. –16D-
Siyasət
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
-
ABŞ Dövlət katibi Marko Rubio cümə günü əksər mövcud xarici yardım qrantlarının 90 gün müddətinə dayandırılmasını əmr edən göstəriş imzalayıb. Bu qərar Dövlət Departamenti rəsmilərini şoka salıb və Politico-nun məlumatına görə, Ukraynaya hərbi yardımın maliyyələşdirilməsini hədəfə alıb.
-
İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan Xarici İşlər Nazirliyinə (XİN) çağırılıb, bu barədə Azərbaycan XİN-in yanvarın 25-də yaydığı məlumatda bildirilir.
Rəy yaz