Zakir Həsənov və Məhəmməd Baqeri hərbi əməkdaşlıq perspektivlərini müzakirə ediblər
Bakı/16.01.19/Turan: Çərşənbə günü Azərbaycan Müdafiə Nazirliyində qurumun rəhbəri Zakir Həsənovla İran Silahlı Qüvvələri Baş Qərargah rəisi Məhəmməd Baqerinin görüşü olub.
Müdafiə Nazirliyinin mətbuat xidmətinin məlumatına görə, Z.Həsənov M.Baqerinin Bakı səfərinin böyük əhəmiyyət daşıdığını deyib. Bu, iki ölkə arasında dostluq əlaqələrinin yüksək səviyyəsindən xəbər verir.
O, Azərbaycanın ərazi bütövlüyünün dəstəklənməsi istiqamətində səylərinə görə İran tərəfinə minnətdarlığını bildirib.
Cavab sözündə M.Baqeri deyib ki, xalqlarımız arasında ümumi tarixi və mədəni əlaqələr İran və Azərbaycan arasında bütün sahələrdə, o cümlədən hərbi sahədə əməkdaşlığa genş imkanlar yaradır.
İranlı hərbçi Tehranın Azərbaycanın ərazi bütövlüyünü və münaqişənin həlli ilə bağlı ədalətli mövqeyini dəstəklədiyini vurğulayıb.
Görüşdə hərbi, hərbi-texniki, hərbi tibb, hərbi təhsil üzrə əməkdaşlığın inkişaf perspektivləri, terrorizmlə mübarizə, regional təhlükəsizlik, ekspert qruplarının qarşılıqlı səfərlərinin təşkili müzakirə edilib, qarşılıqlı maraq doğuran digər məsələlər barədə fikir mübadiləsi aparılıb.
Görüşün sonunda protokol imzalanıb.02D-
-
- Foto sessiyalar
- 16 Yanvar 2019 17:14
-
- Siyasət
- 16 Yanvar 2019 17:41
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz