Moskva/12.12.19/Turan: Rusiya Qarabağ məsələsi ilə bağlı dialoqun konstruktiv şəkildə davam etdirilməsi və tərəflərin hər iki tərəf üçün məqbul olan həllə nail ola bilməsi üçün əlindən gələni edəcək. RİA-Novosti-nin məlumatına görə, bu barədə bu gün Moskvada keçirilən brifinqdə RF XİN nümayəndəsi Mariya Zaxarova bildirib.
O, tərəflərin mövqelərinin "müqayisəyə belə gəlmədiyi" və ya tərəflərlə dialoqun davam etdirilməsinin mümkün olmadığı haqqında fikirlə razılaşmayıb. "Mövqelərin fərqli olduğu aydın məsələdir, əks halda danışıqlar prosesi olmazdı", deyə o bildirib.
Rusiya öz növbəsində beynəlxalq vasitəçi qismində uzanmış və kök salmış münaqişənin nizamlanması üçün bu dialoqun davam etdirilməsinə hər cür yardım edəcək, deyə o bildirib.
"Dialoqun konstruktiv şəkildə davam etdirilməsi və tərəflərin hər iki tərəf üçün məqbul olan həllə nail ola bilməsi üçün əlimizdən gələni edəcəyik", deyə Zaxarova bildirib.
O, Ermənistan və Azərbaycandan bir qrup jurnalistin bu yaxınlarda təşkil olunmuş qarşılıqlı səfərlərində vasitəçilərin rolunu qeyd edib.
Bu yaxınlarda RF XİN başçısı Sergey Lavrovun Bakıya səfərinə toxunan Zaxarova qeyd edib ki, danışıqlar mühiti "rəngarəng" və "olduqca konstruktiv" idi. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz