Maria Zakharova.
Moskva/15.01.21/Turan: Rusiya Azərbaycan və Ermənistan ictimai xadimlərinin humanitar xarakterli təşəbbüslərini hər vəchlə alqışlayır. Bu barədə cümə günü brifinqdə RF XİN-in rəsmi nümayəndəsi Mariya Zaxarova bildirib.
"Biz Azərbaycan və Ermənistan ziyalıları arasında birbaşa dialoqun qurulmasını, eləcə də iki ölkə arasında humanitar xarakterli birgə tədbirlərin keçirilməsini hər vəchlə alqışlayardıq.
Bizim fikrimizcə, bu cür təşəbbüslər barışıq, etimad, qarşılıqlı anlaşma atmosferinin formalaşmasına kömək edir, həm Azərbaycan və Ermənistan xalqlarına, həm də bütün Cənubi Qafqaz regionuna, deməli, Rusiya Federasiyasına fayda verir.
Əgər Bakı və Yerevan bu istiqamətdə səmimi hərəkət etmək əhval-ruhiyyəsində olduqlarını nümayiş etdirsələr, Rusiya tərəfi şübhəsiz ki, belə humanitar aksiyalara dəstək verəcək", - o deyib. -02D-
Siyasət
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
Rəy yaz