![president.az](https://turan.az/resized/media/2022/main/041900043641-750-500-resize.webp)
president.az
Zəngəzur dəhlizinin reallaşdırılması məsələsinin Ermənistanla aydınlaşdırılmasına ehtiyac var - İ.Əliyev
Bakı/19.04.22/Turan: Aprelin 6-da Brüsseldə Azərbaycan və Ermənistan liderlərinin Ai Şurasının prezidenti Şarl Mişelin iştirakı ilə keçirilən görüşü Bakı və Yerevan arasında danışıqlar prosesinin başlanğıc nöqtəsi oldu. Bu barədə Azərbaycan prezidenti İlham Əliyev çərşənbə axşamı Aİ-nin Cənubi Qafqazda xüsusi nümayəndəsi Toivo Klaarı qəbul edərkən bildirib.
Əliyev sərhədin delimitasiyası üzrə Komissiyanın və sülh sazişi üzrə İşçi Qrupun yaradılması haqqında razılıq əldə olunduğunu qeyd edib.
"O vaxtdan bəri biz işləyirdik, Xarici İşlər Nazirliyi çalışırdı və mənim administrasiyam sizin komandanızla təmasda idi və biz razılaşdığımız kimi, başlamaya hazırıq. Hesab edirəm ki, bu irəliləyişi davam etdirməyimiz və hər iki tərəfin razılaşmalara riayət etməsi mühüm əhəmiyyət kəsb edir", deyə Əliyev bildirib.
Bununla belə, Ermənistan tərəfi ilə aydınlaşdırılmasına ehtiyac olan məsələlərdən biri də Azərbaycanla və Naxçıvan Muxtar Respublikası ilə kommunikasiyalar (avtomobil və dəmir yolları) məsələsidir.
"Biz dəmir yolunun Azərbaycan ərazisində 100 kilometrdən artıq 60 kilometrlik hissəni tikmişik və tikintini gələn il tamamlayacağıq.
Avtomobil yoluna gəldikdə, Azərbaycan tərəfindən fəal tikinti işləri gedir və yolun böyük hissəsi artıq inşa olunub. Biz, həmçinin ümid edirik, yəqin ki, növbəti ilin sonuna kimi avtomagistralı Ermənistan sərhədinə çatdıracağıq. Lakin əfsuslar olsun ki, Ermənistanda onlar heç bu işin texniki-iqtisadi əsaslandırılmasına başlamayıblar, bu da prosesin ləngiyə bilməsini göstərir", deyə Əliyev qeyd edib.
Onun sözlərinə görə, aprelin 6-da Brüssel görüşündə Ermənistan baş naziri avtomobil yolunun coğrafi koordinatlarını təqdim etməyib. "Mən fevralın 4-də videokonfrans vasitəsilə keçirilən görüşdə bu məsələni qaldırdım, lakin cavab olmadı. Aprelin 6-da mən yenidən yolun coğrafi koordinatlarının təqdim edilməsini istədim, lakin cavab olmadı. Ümidvaram ki, tezliklə onu əldə edəcəyik", deyə Əliyev vurğulayıb.
Ümumilikdə Əliyev Ermənistanın Azərbaycanın münasibətlərin normallaşdırılması üçün təklif etdiyi 5 prinsipi qəbul etməsi faktını "dönüş nöqtəsi" adlandırıb. "Düşünürəm ki, müsbət şərhlərdir. İndi hər iki tərəfin bu rəsmi açıqlamasından sonra biz ciddiyyətimizi masa üzərində sübuta yetirməliyik", deyə Əliyev bildirib.
Toivo Klaar öz növbəsində qeyd edib ki, onun Azərbaycana səfərinin məqsədi razılaşdırılmış məsələlərin həyata keçirilməsini təmin etməkdir. O, həmçinin qeyd edib ki, həftənin ikinci yarısında Yerevana yola düşəcək.
"Mən Sizin növbəti addımları nədə gördüyünüzü eşitmək və Avropa İttifaqı olaraq normallaşma prosesini (Ermənistan-Azərbaycan münasibətləri) dəstəkləmək, əhatəli nizamlanma istiqamətində çalışmaq üçün nə edə biləcəyimizi öyrənmək üçün bu gün burada olacağam, həftənin ikinci yarısında isə İrəvana gedəcəyəm", deyə Klaar qeyd edib. -06В-
-
- Siyasət
- 19 Aprel 2022 16:59
-
- Çətin sual
- 19 Aprel 2022 18:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz