Azər Qasımlı: “Pandemiyaya qarşı mübarizə strategiyası əvvəldən yalnış idi”

Bakı/07.07.20/Turan:  Bütün dünyada avtoritar rejimlər pandemiya və  karantin rejimindən özlərinin siyasi məqsədləri  üçün istifadə edirlər. Bu barədə siyasi ekspert Azər Qasımlı “Amerikanın səsi”nin Azərbaycan xidmətinə müsahibəsində bildirib. O, buna nümunələrdən biri kimi Rusiyada Putinin hakimiyyətini əbədiləşdirən Konstitusiyaya düzəlişlərlə bağlı referendumu göstərib.

Azərbaycan hakimiyyəti pandemiyadan istifadə edərək insan hüquq və azadlıqlarını pozur. Ekspert öz sözlərinin təsdiqi kimi görkəmli müxalifətçi siyasətçi Tofiq Yaqublunun və bəzi müxalifət fəallarının  həbsini göstərib.

Eyni zamanda o, pandemiyaya qarşı mübarizədə hakimiyyətin hərəkətlərinin effektiv olmadığını deyib. Onun sözlərinə görə, hökumətin strategiyası yanlış olub.

“Əvvəlcə ciddi karantin tətbiq etdilər, sonra kəskin şəkildə yumşaltdılar, indi yenidən sərtləşdirirlər. Belə təəssürat yaranır ki, artıq bir neçə aydır ki, cəmiyyət üzərində eksperimentlər aparılır.

Fakt odur ki, pandemiyanın başlanğıcında koronavirusa yoluxma üzrə gündəlik artım 30-40, indi isə 500 nəfərdən az deyil”, - o deyib.

A.Qasımlı yoluxan və ölənlərin sayı barədə rəsmi məlumatların düzgünlüyünü şübhə altına alıb.

Ekspert işini itirmiş şəxslərə 190 manat məbləğində müavinətlərin az olduğunu tənqid edib. Özü də bu məbləği yalnız  ailənin bir üzvü ala bilər.

A.Qasımlı hökumətin strategiyasının kardinal şəkildə dəyişməsini, Operativ Qərargahın yeni tərkibinin formalaşdırılmasını və oraya cəmiyyətdə hörmət və etimad qazanmış, bacarıqlı təşkilatçıların daxil olmasını vacib hesab edir.

“Tədbirlər strategiyası, paytaxtda və rayonlarda kütləvi testlərin keçirilməsi hazırlanmalıdır. Testlər əlçatan, bəziləri üçün pulsuz olmalıdır. İnsanların təmiz havada olmasına, dənizə, rayonlara getməsinə imkan yaradılmalıdır. Lakin bütün bunları düşünülmüş və planlı şəkildə etmək lazımdır. Məsələn, rayonlara gedənləri öncədən testdən keçirmək lazımdır.

Nəhayət, Operativ Qərargah pandemiyanın ikinci dalğasına hazırlaşmalıdır.16D06-