Azərbaycanın Qoşulmama Hərəkatından iştirakı faydalıdır - deputat

Bakı/05.04.18/Turan: Azərbaycanın Qoşulmama Hərəkatında iştirakının əhəmiyyəti ondadır ki, bu təşkilata 120 dövlət, yəni BMT üzvlərinin əksəriyyəti daxildir. Hərəkatın müzakirə etdiyi məsələlər sonradan BMT-yə çıxarılır, deyə Parlamentin deputatı Rasim Musabəyov Qoşulmama Hərəkatının nazirlər iclasının Bakıda keçirilməsini şərh edərkən bildirib.

O, Bakıya 120 dövlətin nümayəndə heyətinin, o cümlədən 70 xarici işlər nazirliyinin nümayəndələrinin gəldiyini bildirib.

"Bu tədbirdə Azərbaycan Qarabağ münaqişəsinə diqqət cəlb etmək imkanı əldə edib", deyən Musabəyov xatırladıb ki, gələn il təşkilatın sədrliyi Azərbaycana keçəcək.

"Hərəkatda nə katiblik, nə idarə heyəti, nə aparat yoxdur. Üç il ərzində biz təşkilata sədrlik edəcəyik. Problemlərimizə, o cümlədən BMT Baş Assambleyasının gündəliyində olan işğal edilmiş ərazilərdə vəziyyət məsələsinə diqqət cəlb etməyə çalışacağıq", deyə Musabəyov qeyd edib.

Qoşulmama Hərəkatına üzvlük həm də bizim öz ərazimizdə başqa dövlətlərin hərbi bazalarını yerləşdirməyi planlaşdırmadığımız haqqında siqnaldır. Bu, vacibdir və Bakının NATO qüvvələrini öz ərazisinə dəvət etmək və Rusiya və İranı qıcıqlandırmaq niyyətində olmadığını nümayiş etdirir.

Eyni zamanda, Hərəkata üzvlük o demək deyil ki, Azərbaycan başqa dövlətlərlə hərbi müqavilələr bağlamamaq öhdəliyi götürür. -16/03/06A-