Ekspert: “İran Azərbaycanda özünün “beşinci kolon”unu formalaşdırır

Bakı/10.01.20/Turan: İran illərdir ki, Azərbaycanda özünün “beşinci kolon”unu formalaşdırmağa çalışır. Bunu Azərbaycan Milli Elmlər Akademiyasının Fəlsəfə İnstitutunun əməkdaşı Yasəmən Qaraqoyunlu bildirib.

Bəzi ölkə sakinlərinin iranlı hərbçi Qasım Süleymaninin ölümündən kədərlənməsini şərh edən Y.Qaraqoyunlu qeyd edib ki, İranın dövlət təbliğatı aktiv şəkildə davam edir. Sosial şəbəkələrdəki 400 akkaunt vasitəsilə əslində Azərbaycana qarşı təbliğat müharibəsi aparılır.

“Onlar Azərbaycanı“ “Bakı dövləti”, Abşeronu“ Tatistan”, cənub bölgəsini“ Talışıstan” adlandırırlar. Azərbaycan termini əvəzinə “Şirvan”, “Arane”, “Naxçıvan”dan istifadə edirlər.

Qasım Süleymaniyə yas tutan insanların əksəriyyəti İranın “beşinci kolon”udur. İranın müxtəlif mədrəsələrində təhsil alan bu ölkənin maraqlarını güdür. 100 minlərlə insan meydanlara çıxıb Aşura mərasimini yerinə yetirəndə dövlət hökmən nəzərə almalıydı ki, həmin adamlar bir gün İranın burada çox ciddi bazası olacaq”, - Y.Qaraqoyunlu “Amerikanın səsi”nə bildirib.

Qonşu dövlətin rejiminə rəğbət haradan qaynaqlanır? Bu sualın cavabında ekspert deyib ki, bu, ilk növbədə eyni dinə mənsub olmaq, İranla eyni mədəniyyət, eyni tarix və eyni sivilizasiya identikliyini daşımaqdan irəli gəlir. Amma bu, heç də bütün əksəriyyəti əhatə eləmir.

İranda ermənilərin 59 məktəbi, iki millət vəkili, 14 “soyqırım”" abidəsi, üç patriarxiyası, 31 ibadət yeri, 9 kilsə var. Eyni zamanda 45 milyon azərbaycanlının bu ölkədə ana dilində məktəbi yoxdur. Əlbəttə ki, Azərbaycan vətəndaşları Tehranın bu cür siyasətilə barışa bilməzlər.

“Beşinci kolon”un mövqeyinin güclənməsi Azərbaycanda milli kimlik ideologiyasının formalaşmamasına xidmət edir. İranda milli haqları uğrunda mübarizə aparan azərbaycanlıların müdafiəsi üçün heç bir iş görülmür.

Ancaq görünən odur ki, bu ölkədə Azərbaycan türklərinin özüdərki artır.

“İran daxildən çat verir və Azərbaycan türklərinin hərəkatı güclənir. Bütün bu proseslər sonda İranın parçalanmasına gətirib çıxaracaq”, - Y.Qaraqoyunlu vurğulayıb.  06D-

 

Rəy yaz

Sual-cavab

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti