Seymur Həzi: gələcək və həbs yerlərində islahatlar zərurəti haqqında

Bakı/04.09.19/Turan: Beş il əvvəlki Azərbaycanla indiki Azərbaycanda vəziyyət arasında ciddi bir fərq yoxdur. Ölkə sanki durğunluq dövrü yaşayır. Bu fikri beş illik həbsdən sonra azad edilən jurnalist Seymur Həzi "Amerikanın Səsi"nə müsahibəsində bildirib.

Bununla belə, o, bəzi dəyişiklikləri də qeyd edib. O, Konstitusiyaya "qeyri-legtim", hakimiyyətin qəsbinin davam etməsinə xidmət edən dəyişiklikləri vurğulayıb.

"Hakimiyyət beynəlxalq birliklə bir neçə dəfə münasibət qurmağa cəhd edib, amma özünün mahiyyət etibarı ilə ürəyindən keçənlərə sadiq qalıb və yenidən 0 nöqtəsinə qayıdıb", deyə o bildirib.

Həbsxanalardakı vəziyyət haqqında sualı cavablandıran Həzi ədliyyə sistemində islahatlar zərurətini qeyd edib. Bərbad vəziyyətdə olan cəza siyasətinin dəyişdirilməsinə ehtiyac var. İlk növbədə bu, yeni həbs edilənlərin uzun müddətdir cəza çəkənlərlə bir yerə yerləşdirilməsinə aiddir.

"Bu, cinayət vərdişlərinin və mentalitetinin yayılmasına şərait yaradır. İslah olmaq istəyənlərlə islahı mümkün olmayanları bir yerdə saxlamaq doğru deyil", deyə o qeyd edib.

Zabit heyətinin çatışmazlığı da hiss olunur. Kadr hazırlığı yaxşılaşdırılmalıdır, çünki ümumilikdə onların səviyyəsi çox aşağıdır", deyə Həzi qeyd edib.

Gələcək planları haqqında danışan jurnalist qeyd edib ki, jurnalistika və Xalq Cəbhəsi Partiyasının sıralarında siyasətlə məşğul olmağa davam edəcək.

Həzi xəbərlərdə və reportajlarında siyasi meylini büruzə verməməyə çalışırdı və bundan sonra da elə etməyə çalışacaq. "Ola bilər ki, siyasi təhlillər və videosüjetlər hazırladım". "Gerçək budur ki, AXCP və Demokratik Qüvvələrin Milli Şurası hələ ki, demokratiya və azadlıq uğrunda mübarizədə ön sıralardadır", deyə Həzi qeyd edib. -16B06-