![Seymur Həzi: “Siyasi fəaliyyət dövlətçilik əleyhinə fəaliyyət kimi qiymətləndirilir”](https://turan.az/resized/media/2019/main/112100023199-750-500-resize.webp)
Seymur Həzi: “Siyasi fəaliyyət dövlətçilik əleyhinə fəaliyyət kimi qiymətləndirilir”
Bakı/21.11.19/Turan: Azərbaycanda siyasi fəaliyyət üçün şəriat yox vəziyyətindədir. Sərbəst toplaşma azadlığı siyasi fəaliyyətin ən mühüm atributu kimi sıradan çıxarılıb. İnsanların toplaşmasına, fikirlərini ifadə etməsinə imkan yaradılmır. Əksinə, polis gücü ilə insanları siyasi fəaliyyətdən imtina etməyə məcbur edirlər. Bu barədə Azərbaycan Xalq Cəbhəsi Partiyasının sədr müavini Seymur Həzi “Amerikanın səsi”nə bildirib.
“Siyasi fəaliyyət sanki dövlətçilik əleyhinə fəaliyyət kimi qiymətləndirilir. Bu məsələdə Azərbaycan Şimali Koreya standartlarına yaxınlaşır. İctimai, siyasi fəallar nəinki siyasi tədbirlər, hətta adi tədbirlər üçün bir çay süfrəsində toplaşa bilmirlər. Avropa Şurasının üzvü olan, eyni zamanda Avropa İttifaqı ilə siyasi və iqtisadi sazişlərə hazırlaşan bir ölkə üçün vəziyyət çox acınacaqlıdır. Yerli və beynəlxalq ictimaiyyət bu məsələdən çox ciddi nəticə çıxarmalıdır”, - S.Həzi deyib.
Milli Şuranın oktyabrın 8-də Bakı meriyasının qarşısında və oktyabrın 19-da şəhərin mərkəzində keçirdiyi etiraz aksiyası göstərdi ki, cəmiyyət uzun apatiyadan çıxır.
“Bu, Azərbaycan xalqının öz taleyinə biganə olmadığının göstəricisidir. İnsanlar aksiya ərəfəsində saxlanmalara, hakimiyyətin qorxutma tədbirlərinə baxmayaraq, kütləvi şəkildə etiraza qalxdılar. Bu, mübarizə üçün yeni bir dövrdür”, - o bildirib.
S.Həzinin fikrincə, müxalifətin birliyi məsələsi artıq öz aktuallığını itirib. Çünki xalq özü küçələrə çıxıb etiraz etməyə hazırdır.
Hakimiyyətlə müxalifət arasında dialoqun perspektivləri barədə sualın cavabında S.Həzi deyib ki, rejim buna hazır deyil. Hakimiyyət dinc etirazları sıxışdırmaqla özü cəmiyyəti radikallaşdırır.
“Dialoq üçün şərt hakimiyyətin toplaşma və ifadə azadlığını təmin etməsi olardı. Lakin son aksiyalar zamanı hakimiyyətin güc tədbirləri göstərdi ki, iqtidar buna hazır deyil”, - S.Həzi vurğulayıb. –0—
Sual-cavab
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
Rəy yaz