İmran Əliyev polis bölməsindən buraxılıb /YENİLƏNİB/

Bakı/30.03.22/Turan: İctimai fəal, meclis.info platformasının təsisçisi İmran Əliyev 20 saat polis bölməsində saxlanıldıqdan sonra bu gün sərbəst buraxılıb. Bu barədə Turan-a vəkil Zibeydə Sadıqova bildirib.

Onun sözlərinə görə, Əliyev DİN-in Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.

Vəkil Əliyevin saxlanılmasının səbəbləri haqqında məlumata malik deyildi. Əliyev özü hələlik bu barədə məlumat verməyib, onun mobil telefonu isə söndürülüb.

Meclis.info platforması Azərbaycan vətəndaşlarını ölkə parlamentinin fəaliyyəti, baxılan qanun layihələri, deputatların çıxışları və müsahibələri və s. haqqında məlumatlandırır. -03B06-  

*   *   *

2022 Mart 29 (Çərşənbə axşamı) 23:16:25

İctimai fəal İmran Əliyevin yoxa çıxdığı bildirilir

Bakı/29.03.22/Turan:  İctimai fəal, meclis.info platformasının təsisçisi İmran Əliyev yoxa çıxması bildirilir.

Fəalın yaxınları Turana bildirib ki, o, saat 14:00 radələrində yoxa çıxıb. "Dostlarla görüşməli idi, evdən çıxdı bundan sonra onunla əlaqə saxlamaq mümkün deyil. 8 saat keçməsinə baxmayaraq ondan bir məlumat yoxdur".

Onların sözlərinə görə, məsələ ilə bağlı "102" Xidmətinə müraciət olunub. 

Məsələ ilə bağlı hüquq-mühafizə orqanlarından məlumat almaq mümkün olmayıb. -0-