Əməkdaş işdən qanunsuz çıxarıldığını bildirir

“MAPA” tikinti-anonim şirkətinin mühafizəçisi Elxan Orucov çərşənbə axşamı RATİ-də işdən qanunsuz azad olunması haqda mətbuat konfransı keçirib.

E.Orucov 2012-ci ilin avqustundan 2013-cü ilin aprelinə kimi bu şirkətdə mühafizəçi vəzifəsini yerinə yetirib. Şirkət özü isə iki ildən çox Azərbaycanda fəaliyyət göstərir və aeroport tikintisini həyata keçirir.

E.Orucov işdən azad edilməsinə səbəb kimi iş rejimiində dəyişiklik istəmələrini göstərib. Belə ki, ayda 160 saat işlədiklərini deyən mühafizəçi ayda cəmi 1 gün istirahət etmək imkanları olduğunu söyləyib. O, şirkət rəhbərliyindən istirahət hüquqlarının bərpa olunmasını tələb edib. Hətta bu məsələ ilə bağlı birinci ledi Mehriban Əliyevaya müraciət də olunub. Bu məsələ ilə bağlı Əmək Müfəttişliyindən şirkətə müfəttiş gəlib. Mühafizəçilərə bu məsələyə düzəliş olunacağı vədi verilib. 2013-cü ilin aprelində isə şirkət rəhbərliyi E.Orucovu çağıraraq, ərizə yazaraq işdən azad olunmasını tələb ediblər. E.Orucov bundan imtina edib. Şirkət rəhbərliyi mühafizəçiyə könüllü ərizə yazıb işdən getmədiyi halda Əmək Məcəlləsinin ağır maddəsilə işdən azad ediləcəyi hədə-qorxusu gəlib. Beləliklə, şirkət rəhbərliyi mühafizəçini Azərbaycan Əmək Məcəlləsinin “70ç” maddəsilə işdən azad edilib. Bundan əlavə, keçmiş əməkdaşa son haqq-hesabı da verilməyib. Hətta mühafizəçiyə işdən azad olunması səbəbləri izah edilməyib. 

E.Orucov mətbuat konfransında şirkətin əmək müqaviləsi adına verdiyi sənədi nümayiş etdirib. Bu müqavilədə işə götürənin və işə qəbul edilənin vəzifə, öhdəlikləri haqda bir cümlə belə yoxdur. Bu isə ölkənin Əmək Məcəlləsinin birbaşa pozulmasıdır. Müqavilə adına bu sənədin işdən azad olunmasına dair hissəsində yalnız “sözləşmə alınmadığı üçün işdən azad edilir” ifadəsi keçir. Sənəddə möhür belə yoxdur. Yalnız sənədin dərkənar hissəsinə üçkünc ştamp vurulub. 

Bundan sonra əmək hüquqlarının pozulması ilə bağlı E.Orucov məhkəməyə müraciət edib və iyun ayında məhkəmə prosesinin başlanması nəzərdə tutulir. -05C-