Erməni pozitivi

Yeni il Ermənistan daxilində “Təqsirkar kimdir?” və “Nə etməliyik?” sualları ətrafında müzakirələrə düzəlişlər edib.

Bütün cəmiyyət və dövlət institutlarının dekabrın 31-nə qədər Ermənistanı sarsıdan Qarabağ müharibəsində məğlubiyyətə görə baş nazir Nikol Paşinyanın vəzifədən kənarlaşdırılması çağırışları Yeni il gecəsi yerini razılıq, əlbirlik və həmrəylik çağırışlarına verib.

İllərin dəyişdiyi mühüm anda bütün ermənilərin Katolikosu II Qaregin, prezident Armen Sarkisyan, baş nazir Nikol Paşinyan, Ermənistanın ikinci prezidenti Robert Koçaryan xalqa müraciət edib.

Maraqlıdır ki, kilsə iyerarxının və siyasətçilərin çıxışları siyasi istiqamətinə, emosional tonuna, xalqa ünvanladıqları ölçülüb-biçilmiş mesajlarına görə bir-birinə uyğun idi.

Azərbaycan adından, düşmən epitetindən, qisas çağırışlarından bəhs edilməməsini müraciətlərin müsbət tərəfi adlandırmaq olar, baxmayaraq ki, Ermənistanın xilas edilməsi uğrunda mübarizə çağırışları bir-birini əvəz edirdi.

“Bizim gələcək yolumuz çox mürəkkəb və sınaqlarla doludur, bizə dərin yaralar vurulub, amma bizim bərpa olunmaq, ayağa qalxmaq və qalib gəlmək üçün təcrübəmiz və iradəmiz var. Birliyin alternativi yoxdur”, deyə prezident bildirib.

Müraciətlərin gizli mənası yaranmış reallıqlara əsaslanan konstruktivlik üzərində qurulub, bu da Yeni ildə və gələcəkdə Qarabağla bağlı kompromisə və Azərbaycan və Türkiyə ilə əməkdaşlıq münasibətləri qurulmasına yönəlmiş yeni ümummilli xəttin həyata keçirilməsinə hazırlığa dəlalət edə bilər.

“Amma bu gün reallıqlar var, biz onlara uyğunlaşmalıyıq, çünki məhz bu, vəziyyətin idarə edilməsinin zəruri ilkin şərtidir. Xaos, panika, qorxu məntiqini mümkün qədər tez aşmalıyıq, bu reallıqların inkişafına mane olan bütün amilləri mümkün qədər tez rəf etməliyik. 2021-ci ilin elə ilk dəqiqələri yeni milli tərəqqimizin başlanğıc nöqtəsi olmalıdır”, deyə Paşinyan bildirib.

Ermənistanda Yeni il bayramının yerini rəvan şəkildə yanvarın 6-da qeyd olunan milad bayramına verdiyini nəzərə alsaq, erməni kilsəsinin ölkənin ictimai həyatına və dövlət həyatına təsirini nəzərə almaqla, həm daxili, həm də xarici iddiaların sakitləşməsi xəttinin davam etdiriləcəyini və möhkəmləndiriləcəyini demək olar.

“Bunu dərk edərək, qardaşlıq sevgisi, ədalət və qanunçuluğa əsaslanaraq, Vətən üçün yeni gün yaratmaq lazımdır”, deyə II Qaregin müraciətində qeyd edib.

Beləliklə, kilsə başçısı kütləvi etiraz aksiyalarına son qoyub və Ermənistan cəmiyyətini regional qonşuları ilə yeni - dinc münasibətlərin qurulması üzrə böyük danışıqlar ərəfəsində həddindən artıq əhəmiyyətli olan hüquqi müstəviyə keçməyə dəvət edib.