Rusiya Ermənistana görə Azərbaycanla müharibə etməyə hazırlaşmır

Ermənistanın müdafiə naziri vəzifələrini yerinə yetirən David Tonoyanın Ermənistanın təhlükəsizliyinin təmin edilməsində Rusiyanın rolu haqqında ifadələrini şərh edən Rusiya Dövlət Dumasının müdafiə və təhlükəsizlik komitəsinin sədr müavini Yuri Şvıtkin deyib ki, hərbi təcavüz olduğu halda Rusiya Ermənistanın təhlükəsizliyini təmin etməyə hazırdır. "Komsomolskaya pravda" qəzetinin hərbi icmalçısı Viktor Baranets isə deyib ki, Rusiya Ermənistanı başqa ölkənin hücumundan qoruyacaq. Həm də mümkün hücumçular arasında Azərbaycanın da adını çəkib.

"Məlum olduğu kimi, heç kim Ermənistana hücum etməyə hazırlaşmır, Azərbaycan ictimaiyyəti bu bəyanatlara hec cür reaksiya verməyə bilərdi, politoloq İlqar Vəlizadə belə hesab edir. - İstənilsə, bu bəyanatdan hansısa təxribat xarakterli gurultu yaratmaq və Dağlıq Qarabağ münaqişəsi bərpa edildiyi halda Rusiyanın Ermənistana kömək etməyə hazırlaşması kimi qələmə vermək olardı. Amma bu, belə deyil. 2016-cı ilin aprelində Rusiya tərəflərə hərbi əməliyyatlara son qoymaq çağırışı ilə kifayətlənib, Rusiyanın Ermənistana birtərəfli dəstək addımları müşahidə olunmayıb. Moskva müdaxilə etmək və Qarabağ münaqişəsinin kəskin fazası yaranarsa, bu və ya digər tərəfin yanında durmaq niyyətində olmadığını göstərib.

Digər tərəfdən, aydındır ki, Ermənistan Azərbaycanı öz ərazisində hərbi əməliyyatlara təhrik etsə, ki, belə təxribatlar mümkündür, erməni tərəfin müttəfiqlərini fəal şəkildə köməyə çağıracağı istisna deyil. Amma biz ümid edirik ki, Ermənistanın müttəfiqləri, dəfələrlə olduğu kimi, ona Azərbaycanla münasibətləri korlamaq, onları Azərbaycanla münaqişəyə sövq edən bir tərəfin maraqları xeyrinə uzunmüddətli geosiyasi maraqlarını riskə atmaq niyyətində olmadıqlarını göstərəcəklər. Həddindən artıq açıq şəkildə ifadə etsək, bu gün axmaq yoxdur və hansısa deputatlar və ayrı-ayrı siyasi xadimlər öz fikirlərini bildirirlərsə, bu, o demək deyil ki, onlar mütləq Ermənistanın istədiyi formada həyata keçirilməlidir", politoloq belə hesab edir.

"Kavkazskiy Uzel" (RF) portalının Azərbaycanlı blogeri Rusiyanın silahlı qüvvələri Rusiya hərbi təyyarəsini vuran və onun Suriya RƏM sistemləri tərəfindən məhv edilməsinə səbəb olan Türkiyə və İsraillə müharibəyə başlamadığını xatırladır. Rusiya NATO koalisiyasının hava qüvvələrinin Kremlin dəfələrlə müdafiə etdiyi müttəfiqi elan etdiyi Suriyada hədəfləri bombaladığını səssizcə müşahidə edir. Bu faktlar RF-nin Azərbaycana qarşı müharibədə Ermənistanın tərəfində hərbi iştirakı mümkünlüyündən şübhələnməyə vadar edir. Rusiyada Ermənipərəst bəyanatlar rusların baş nazir vəzifələrini yerinə yetirən Nikol Paşinyanın Qərbə tərəf apardığı Ermənistanı öz geosiyasi düşərgəsinə qaytarmaq istəyi ilə izah olunur, deyə bloger yazır.

Kollektiv Təhlükəsizlik Müqaviləsi Təşkilatı (KTMT) tanınmamış Dağlıq Qarabağ Respublikasına bu dövlətin iştirakı ilə silahlı münaqişə olduğu halda ona hərbi dəstək göstərməyəcək. Bu barədə KTMT-nin birləşmiş qərargah rəisi Anatoliy Sidorov bildirib, xəbəri "Sputnik Armeniya" yayıb. Sidorov deyib ki, təşkilatın Ermənistan qarşısında öhdəlikləri var, buna görə Yerevana qarşı təcavüz olarsa, digər KTMT üzvləri ona hərbi dəstək göstərəcəklər. Bu öhdəliklər "DQR"-ə şamil edilmir, deyə o bildirib.