“17 yox, 27 nazir gəlsə də, xeyri yoxdur...”

Türkiyə dövlət başçısının İraqın mərkəzi hökumətilə əlaqələri gücləndirmək üçün uzun müddətdən sonra Bağdada getməsi siyasi islamdakı paradiqma dəyişikliyinə işarə edə bilərmi?

Türk siyasətinin rəngli siması Nəcməttin Ərbakanın sözüylə desək, İranın İsrailə “kosmetik hücumu” Türkiyədə həyəcana səbəb olmadığı kimi, bəzi səlahiyyətli nümayəndələrin İsraili daha əvvəl xəbərdar etmələrinə dair iddialar da  Tel-Əvivdə ciddi qarşılanmadı. Malatya vilayətinin Kürecik qəsəbəsində NATO-nun qurduğu radar bazasının İsraili məhz İranın hücumlarından qoruduğunu bilməyən yoxdur.

Şənbə günü İranın İsrailə hücumundan dərhal sonra şərhçilərin bir hissəsi üçüncü dünya müharibəsinin başlamasından və İranın öz ərazisi də daxil olmaqla, hərbi əməliyyatlar teatrının genişlənməsindən danışmağa başlayıb. Lakin tərəflər hadisə və onun nəticələri ilə bağlı öz nöqteyi-nəzərlərini təqdim etməklə kifayətləniblər.

Türkiyə Ticarət Nazirliyinin İsrailə ixracatın məhdudlaşdırılmasına dair qərarı dövlət başçısı Ərdoğanın mayın 9-dakı Vaşinqton səfərilə böyük ölçüdə bağlıdır. Daxili siyasətin ciddi rolu olsaydı, 31 mart seçkisindən bir neçə gün əvvəl Yenidən Refah Partiyasının sədri Fatih Ərbakanın “İstanbul bələdiyyə sədrliyinə namizədimizi geri çəkməyimizi istəyirsinizsə, İsrail ilə ticarətə son qoyun” müraciəti diqqətə alınardı.