Hökumət Evi | АКИpress
Qırğız rəhbərliyinə suiqəsddə günahlandırılan Azərbaycan və Qırğız vətəndaşlarının saxlanıldığı bildirilir
Qırğız Respublikası rəhbərliyinə sui-qəsd hazırlamaqda şübhəli bilinən 9 nəfərin saxlanıldığı bildirilir.
Öncə Qırgız Dövlət Təklükəsizliyi Komitəsi martın 23-də bu ölkənin rəhbərliyinə sui-qəsd planlaşdıran transmilli cinayətkar qrupun üzvləri olan beş Azərbaycan vətəndaşını saxladığını bildirib.
Məlumatda deyilir ki, Əliyev V.M., Bağırov S.A., Əsgərov M. O., Bekhbudov M.S. və Məmmədov Z. İ. soyadlı şəxslər saxlanılıb.
Dövlət Təhlükəsizliyi Komitəsinin xəbərində deyilir ki, qrupunun lideri - Əsgərov "cinayət mühitini və oğruların ideologiyasının yayılması” və "dövlətin rəhbərliyinə sui-qəsd etmək üçün" Bişkekə gəlib.
Dövlət Təhlükəsizlik Komitəsi bu cür ciddi nəticələr üçün başqa heç bir əsas gətirməyib.
Azərbaycan Respublikası Daxili İşlər Nazirliyi isə martın 26-da bildirib ki, nazirlik Qırğızın aidiyyəti hüquq-mühafizə orqanları ilə qarşılıqlı əlaqə şəraitində fəaliyyət göstərərək araşdırmalarla həmin şəxslər barəsində toplanmış məlumatı Qırğız tərəfinə təqdim edib.
Nazirliyin məlumatında deyilir ki, araşdırmalar nəticəsində şübhəli şəxs qismində saxlanılan həmin şəxslərdən birinin Rusiya, digərinin isə Azərbaycan ərazisində əvvəllər cinayət törədərək məhkum olduğu müəyyən edilib.
“Həmçinin, Qırğız hüquq-mühafizə orqanlarının müraciəti əsasında haqqında bəhs olunan şəxslərlə əlaqələrinin olmasında şübhəli bilinən 4 nəfər Qırğız vətəndaşının Azərbaycan ərazisində yeri müəyyən edilib və onlar Qırğızın aidiyyəti hüquq-mühafizə orqanlarına təhvil verilib. Qeyd edilən məsələnin təfərrüatlarının tam və ətraflı araşdırılması üçün Qırğız hüquq-mühafizə orqanları ilə əməkdaşlıq şəraitində birgə tədbirlər davam etdirilir”, Azərbaycan Daxili İşlər Nazirliyi bildirir.
Elə bu gün, martın 26-da Qırğız mediası bu ölkənin Dövlət Gömrük Xidmətinin keçmiş sədr müavini Raimbek Matraimov və onun qardaşı Tilek Matraimovun Bakıda saxlanılaraq Bişkekə ekstradisiya olunduğu barədə məlumat yayıb.
Raimbek Matraimov, şəxsi məcburi saxlamaqla onun hərəkət azadlığının məhdudlaşdırılmasında əlbir olmasında ittiham olunur. Məsələnin konkret detalları açıqlanmır. Bundan əvvəl Matraimov korrupsiya cinayətlətində ittiham olunmuşdu
Qırgız Dövlət Təklükəsizliyi Komitəsi Raiymbek Matraimovun ümumi dəyəri 34 milyon 810 min 500 dollar (3 milyard 98 milyon 134 min som) olan daşınmaz əmlakının müsadirə edilməsi barədə məlumat yaymışdır.
-
- Böyük Şərq
- 26 Mart 2024 22:41
-
- Maliyyə
- 27 Mart 2024 10:33
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz