Bakı/19.07.18/Turan: "Azərbaycanda hər 10 min nəfərə 11 və ya 15 vəkil düşməsi ilə bağlı informasiyada yanlışlıq var. Bunu "Turan"a Vəkillər Kollegiyasının Aparat rəhbəri Fərhad Nəcəfov bildirib.
Vəkillər Kollegiyasının sədri Anar Bağırov iyulun 19-da "Trend" agentliyinə açıqlamasında bildirib ki, hazırda Azərbaycanda hər 10 min nəfərə 15 vəkil düşür.
Bu məsələnin maraq doğuran tərəfi ondan ibarətdir ki, bu il may ayının 2-də, yəni cəmi iki aydan bir qədər əvvəl Kollegiya sədri "Contact.com" açıqlamasında bildirirdi ki, Azərbaycanda hər 10 min nəfərə 1 vəkil düşür ki, bu da Avropada ən aşağı göstəricidir.
Vəkillərin sayına gəlincə, 2017-ci il dekabrın sonunda Kollegiyanın məsul şəxsləri açıqlamalarında qurumun üzvü olan vəkil sayının 1000 nəfərə yaxın olduğunu deyirdilər, indi isə, yəni 2018-ci il iyul ayına vəkil sayı 1500 nəfərdir.
Belə olduğ halda, A.Bağırovun hər 10 min nəfər əhaliyə düşən vəkil sayı barədə açıqlamasını anlamaq olmur, çünki burada texniki səhvdən arzu ediləni həqiqət kimi göstərməyə qədər "diverfisikasiya" var.
Ən adi hesablama ilə belə 10 milyon nəfərə yaxın əhalisi olan Azərbaycanda 1500 nəfər vəkil resursunin hər 10 min nəfərə 11 və ya 15 vəkil düşməsi riyazi əməliyyatı ilə üst-üstə düşmür, bu, ancaq utopiyadır.
Amma burada artıq Kollegiya sədrinin hər 10 min nəfərə düşən vəkil sayı baxımından söylədiyi rəqəmdə texniki səhvdən söhbət gedə bilməz.
A.Bağırov deyib ki, 3 ay əvvəl Azərbaycanda hər 10 min nəfərə 9 vəkil düşürdüsə, bundan sonra 15 vəkil düşəcək.
Amma Kollegiya sədrinin bu iddiasının hansı riyazi əməldə öz təsdiqini tapacağı müəmma olaraq qalır.
Xatırladaq ki, A.Bağırov bu ildən Vəkillər Kollegiyasının sədri kimi fəaliyyət göstərir. Vəkillər Kollegiyası məhkəmə, prokurorluq, Penitensiar Xidmət sisteminə "problem" yaradan vəkilləri Kollegiyadan xaric etmək,onları başqa formalarda cəzalandırmaqla məşğuldur.
Müxtəlif vaxtlarda Vəkillər Kollegiyası Əlayif Həsənov, Yalçın İmanov, Fəxrəddin Mehdiyev, Xalid Bağırov, İradə Cavadova kimi ölkə miqyasında tanınan vəkilləri vəkillik fəaliyyətindən kənarlaşdırıb. -05B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz