Avqustun 9-da Kürdəxanı qəsəbəsindəki Hüseynbala Ağaverdiyev adına 113 nömrəli tam orta məktəbin 15 yaşlı şagirdi Teymur Həsənli özünü asaraq intihar edib. Faktla bağlı Sabunçu rayon prokurorluğu araşdırmaya başlayıb.
Maraqlı məqam odur ki, bu, son üç ildə 113 saylı məktəbdə artıq 5-ci intihar halıdır. Belə ki, 2014-cü ilin sonu və 2015-ci illər ərzində məktəbin 4 şagirdi eyni üsulla – özlərini asmaqla intihar edib.
Bütün intihar halları ilə bağlı Sabunçu rayon Prokurorluğunda Cinayət Məcəlləsinin 125-ci maddəsi ilə (özünü öldürmə həddinə çatdırma) cinayət işi açılıb. Sonra bu cinayət işləri Bakı Şəhər Prokuroluğuna verilib və eyni icraatda birləşdirilib. Valideynlərin dediyinə görə, istintaq hələ də davam etdirilir.
Qeyd edək ki, intihar hadisələri həftənin şənbə günləri qeydə alınıb. Bir çox kənd sakini intiharların səbəbini yeniyetmə yaşlı uşaqların sevgi məcarələri ilə bağlayır. Bəzi sakinlər isə dini inanclarla bağlı olduğunu deyir.
Bütün bunlarla yanaşı, 113 saylı məktəbin şagirdlərinin intiharını səbəbi hələ də sirli olaraq qalır. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz