16 mərtəbəli binada yanğın faktı ilə bağlı cinayət işi açılıb

Azadlıq prospetində 16 mərtəbəli yaşayış binasında yanğınla əlaqədar Azərbaycan Baş Prokurorluğunun ağır cinayətlər üzrə İstintaq İdarəsi tərəfindən cinayət işi açılıb.

Baş Prokurorluq, DİN və FHN işçilərindən əməliyyat-istintaq qrupu yaradılıb, bu barədə adı çəkilən üç idarənin rəsmi məlumatında bildirilir.

İstintaq 255.2 (ölümlə nəticələnən yanğın təhlükəsizliyi qaydalarının pozulması), 308.2 (vəzifə səlahiyyətlərindən sui-istifadə), 314.2 (ağır nəticələrə səbəb olan səhlənkarlıq) maddələri üzrə aparılır.

İstintaq Azərbaycan prezidentinin nəzarəti altındadır, deyə məlumatda qeyd edilir.

Mənbənin məlumatına görə, 15 nəfər həlak olub, 26 nəfər yanan məhsullardan zəhərlənmə və müxtəlif dərəcəli travmalarla xəstəxanaya yerləşdirilib. 27 sakin təxliyyə edilib, 37 nəfər xilas edilib.

Xilasetmə tədbirləri və mənzillərə baxış davam etdirilir. -06D-