Yanvarın 27-də Bakı Ağır Cinayətlər Məhkəməsində 2015-ci il mayın 19-da Binəqədi rayonunda yaşayış binasında baş vermiş yanğınla bağlı təqsirləndirilən şəxslərə hökm oxunub. Yanğın nəticəsində 15 nəfər həlak olub.
Məhkəmə binanı üzlüklə təmin edən poliuretan plitələrin istehsalçısı olan "Qlobal Stone" və "Global Constuction" MMC-nin təsisçisi Miryusif Mahmudovu 8 il azadlıqdan məhrum edib.
“Qlobal Stone” şirkətinin direktoru Uğur Bəşirov 5 il azadlıqdan məhrum olunub.
Şirkətin əməkdaşı Ələkbər Əsgərov, həmçinin Binəqədi Rayon İcra Hakimiyyətinin keçmiş müavini Qəzənfər Novruzov, həmin qurumun keçmiş şöbə rəisi Ədalət Rəcəbov 4 il həbs cəzası alıblar.
72 saylı MİS-in rəis Nizami Orucov 3,5 il azadlıqdan məhrum edilib.
Onlar CM-in 225 (yanğın təhlükəsizliyi qaydalarını pozma) və 308-ci (vəzifədən sui-istifadə) maddələri ilə təqsirli biliniblər.
Poliuretanın sınaqdan keçirildiyi laboratoriyanın rəsi Ağacavad Məmmədov və poliuretan məmulatların texniki tələblərinin razılaşdırıldığı Səhiyyə Nazirliyi Epidemiologiya Mərkəzinin baş direktoru Akif Əlibəyov şərti olaraq mühakimə ediliblər. Onlar CM-in 308.2 və 313 (vəzifə saxtakarlığı) maddələri ilə ittiham olunublar. -16D-
Cəmiyyət
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
Rəy yaz