Bakı/18.10.22/Turan: Oktyabrın 18-də Azərbaycanda Dövlət Müstəqilliyi Günü qeyd edilir. 31 il öncə - 1991-ci il oktyabrın 18-də parlament Azərbaycanın dövlət müstəqilliyinin bərpa olunması haqda Konstitusiya aktını qəbul edib.
2021-ci ildən etibarən yeni adla "Müstəqilliyin Bərpası günü" (18 oktyabrda) kimi qeyd edilsə də, qeyri-iş günü deyil və təntənəli şəkildə qeyd olummur.
Milli Məclisin deputatı Elman Nəsirov Turana bildirib ki, 18 oktyabr müstəqilliyin bərpası günü kimi qeyd olunur. "Müstəqilliyin bərpası günü o deməkdir ki, 1920-ci ildə qanlı Qızıl ordu məhv etdiyi müstəqilliyimiz bərpa olundu. Dövlətimizin əsas bayramı 28 May günüdür və 18 oktyabr ondan yaranıb. Yəni, müstəqilliyimiz olub və 18 oktyabr tarixində bərpa olunub".
Onun fikrincə, hər dövlətin müstəqilliklə bir bayramı olur. "Amma əvvəl bizim bununla bağlı iki bayram var idi. Taleyimiz belə gətirdi. Bizim müstəqilliyimiz o zaman Heydər Əliyev söylədiyi kimi əbədi və dönməz olmadı. Cəmi 23 ay mövcud oldu. Ona görə də 28 May bizim dövlət bayramımız kimi qeyd olunur və iş günü deyil. 18 oktyabr isə onun davamı kimidir. Bu baxımından müstəqillklə bağlı iki bayramı qeyd etmək məntiqə uyğun gəlmir". –0—
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz