koronavirusinfo.az
Bakı/24.09.20/Turan: Bu günə qədər Azərbaycanda məktəb şagirdlər arasında 19 və ümumtəhsil məktəblərinin əməkdaşları arasında 3 koronavirusa yoluxma faktı qeydə alınıb. Bu barədə Təhsil Nazirliyinin COVİD-19-la bağlı 25 sentyabr tarixli məlumatında deyilir.
Bu gün 3 sinfin şagirdlərinin distant təhsil keçirilməsi haqqında qərar qəbul edilib. Distant təhsilə keçirilən siniflərin ümumi sayı 9-a çatıb.
Bir müddət əvvəl Quba rayonunun Qam-Qam kənd məktəbi distant təhsilə keçirilib.
Öz növbəsində, Nazirlər Kabineti yanında Operativ Qərargah cümə axşamı xəstəliyə yoluxanlarının sayının artdığını bildirib. Belə ki, ötən gün COVİD-19-a 162 yeni yoluxma faktı qeydə alınıb, 133 nəfər sağalıb, bir nəfər isə vəfat edib.
Azərbaycanda indiyədək ümumilikdə 39686 nəfər koronavirus infeksiyasına yoluxub. Onlardan 37255 nəfər müalicə olunaraq sağalıb, 581 nəfər vəfat edib, aktiv xəstə sayı 1850 nəfərdir.
Ölkədə son sutka ərzində 7618, hazırkı dövrədək isə 1080873 test aparılıb. -21C06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz