Hüquq-mühafizə orqanları Sumqayıt şəhərində 2 aylıq qızı oğurlayan qadını saxlayıb. Bu, Bakı sakini Xırda Babayevadır.
Bu qadın öz övladı olmadığına görə yeni doğulmuş körpəni oğurlamağı qərara alıb, bu barədə Baş Prokurorluğun mətbuat xidmətinin məlumatında deyilir.
Bu məqsədlə Babayeva Sumqayıta gəlib və özünü “Yoxsul ailələrə yardım Fondu”nun əməkdaşı kimi təqdim edərək, orada yaşayan qaçqın ailələri ilə maraqlanıb.
Burada Babayeva Aysel Əhmədova ilə tanış olub, 2 aylıq qızını gördükdə, oğurlamağı qərara alıb.
Gənc ailənin etibarını qazanan Babayeva onlara ərzaq gətirib və avqustun 13-də onlarla birlikdə gəzməyə çıxıb. Fürsət tapan Babayeva uşaqla birlikdə gizlənib.
Ana dərhal bu barədə DİN-in 102 nömrəli növbətçi xidmətinə məlumat verib. Faktla bağlı 144.1-ci (insan oğurluğu) maddə ilə cinayət işi açılıb.
Əməliyyat-axtarış tədbirləri nəticəsində sentyabrın 3-də Babayeva saxlanılıb, deyə Baş Prokurorluğun məlumatında bildirilir.
Bu məlumatdan uşağın taleyi aydın olmur. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz