Bakı/29.11.18/Turan: Azərbaycan Avropa ölkələri arasında insanda immun çatışmazlığı virusunun nisbətən yüksək sürətlə yayıldığı ölkələr sırasına daxildir.
Aİ-nin strukturuna daxil olan Avropa Xəstəliklərin Profilaktikası və NəzarətiMərkəzi (ECDC) və Ümumdünya Səhiyyə Təşkilatının (ÜST) Avropa Regional Bürosu tərəfindən hazırlanmış və noyabrın 28-də dərc edilmiş araşdırmanın müəllifləri bu nəticəyə gəlib.
Bu məlumatlara əsasən, 2017-ci il ərzində Azərbaycanda 570 yeni HİV hadisəsi və ya hər 100 min nəfərə 5,8 hadisə qeydə alınıb. Ümumilikdə ölkədə rəsmi olaraq 6755 HİV daşıyıcısı var. Cənubi Qafqazda bu göstərici Gürcüstanla (6762) eyni səviyyədədir. Ermənistanda HİV daşıyıcılarının sayı qonşularla müqayisədə iki dəfədən də çox azdır.
Ümumilikdə ötən il ərzində Avropa ölkələrində 159 min yeni HİV infeksiyasına yoluxma hadisəsi qeydə alınıb, onların 130 mini Şərqi Avropada, 104 mini Rusiyada qeydə alınıb. HİV-ə yoluxma hadisələrinin 59 faizində infeksiya heteroseksual cinsi əlaqə, 37 faizində narkotik vasitələrdən istifadə, 3 faizində homoseksual cinsi əlaqə yolu ilə yoluxub. -0-
Cəmiyyət
-
Tanınmış jurnalist Mayis Əlizadə martın 6-da səhər saatlarında İstanbulda qəfil ürək tutmasından vəfat edib. O Türkiyə barədə analitik təfəkkürü, bu ölkənin tarixi və siyasəti ilə bağlı dərin biliyi ilə tanınan jurnalist və tərcüməçi idi.
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
Rəy yaz