Qarabağda Paşinyanın bəyanatlarına qəzəbləniblər

Bakı/29.11.18/Turan: Ermənistan baş nazirinin Qarabağ sakinlərinə Ermənistandakı hadisələrə müdaxilə etməmək çağırışı cavab reaksiyasına səbəb olub.

Heç vaxt heç bir Ermənistan rəhbəri Dağlıq Qarabağa qarşı indiki qədər qəzəbli olmayıb. Bu fikri cümə axşamı sosial şəbəkələrdə Qarabağlı hüquq müdafiəçisi Karen Oqacanyan dərc edib.

"Sizə Qarabağ rəhbərləri haqqında belə ləyaqətsiz üslubla danışmağa kim ixtiyar verir?! Düşmən dövlətin lideri belə bunu özünə rəva görmür", deyə Oqacanyan qəzəbini ifadə edir.

Onun sözlərinə görə, Qarabağda Paşinyanın davranışına qəzəbləniblər və ondan "həddini və səlahiyyətlərinin harada başa çatdığını bilməyi" tələb edirlər.

Daha sonra Oqacanyan açıq təhdidlərə keçərək bildirir: "Xalqımız qarşısında təhqirlərinizə və xalqımızın milli təhlükəsizlik səviyyəmizi aşağı saldığınıza görə açıq şəkildə üzr istəməlisiniz".

"Biz necə yaşamalı, kimi seçməli, kimə hörmət etməli olduğumuza özümüz qərar veririk. Allah eləməsin ki, kənardan kimsə bizə necə yaşamalı olduğumuzu öyrətsin", deyə Oqacanyan yazır.

Xatırladaq ki, cümə axşamı səhər Paşinyan rəhbərliyi Ermənistandakı proseslərə daim müdaxilə etməkdə ittiham edib və buna son qoymağı tələb edib. -02D-