Açiq mənbələrdən foto.
2022-ci ildə Azərbaycanda 107 milyon dollarlıq narkotik maddə götürülüb
Bakı/22.12.22/Turan: 2022-ci ilin yanvar-noyabr aylarında Azərbaycanda narkotik maddələrlə bağlı 10 281 cinayət aşkar edilib. Bunlardan 3367-i narkotik vasitələrin qanunsuz satışına, 6425-i narkotik vasitələrin qanunsuz əldə edilməsinə və saxlanmasına aid olub.
Bu məlumatlar Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının 2022-ci ilin 11 ayı üzrə hesabatında əksini tapıb. Hesabat dekabrın 22-də dərc olunub.
İcmal dövründə 5 ton 252 kiloqram 36427 ədəd narkotik maddə, 2514 ədəd psixotrop həb götürülüb. O cümlədən 2 ton 076 kiloqram heroin, 1 ton 955 kiloqram marixuana götürülüb.
Qanunsuz dövriyyədən götürülmüş narkotik vasitələrin ümumi dəyəri 182,4 milyon manat (107 milyon dollardan çox) təşkil edib.
Narkotik maddə cinayətlərinə görə 87 əcnəbi cinayət məsuliyyətinə cəlb edilib: 41 nəfər İran vətəndaşı, 18- Rusiya, 12- Türkiyə, 9- Gürcüstan, 2- Türkmənistan, 2-Ukrayna, hərəsindən 1 nəfər olmaql Qırğızıstan, Pakistan və Maldiv. 05В06
Cəmiyyət
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
Rəy yaz