26 kiloqram narkotik maddənin Xəzər vasitəsilə qaçaqmalçılıq yolu daşınması cəhdinin qarşısı alınıb
26 kiloqram narkotik maddənin Xəzər vasitəsilə qaçaqmalçılıq yolu daşınması cəhdinin qarşısı alınıb
İyulun 19-da Dövlət Sərhəd Xidmətinin Sahil Mühafizəsinin sahil nəzarəti bölmələri və sərhəd gəmisinin qarşılıqlı fəaliyyəti nəticəsində ümumilikdə 26 kiloqram 325 qram narkotik vasitə (24 kiloqram 835 qram marixuana, 1 kiloqram 490 qram tiryək), 2500 ədəd metadon M-40 həbi, 660 ədəd preqabalin 150 kapsulu, 40 qutu Marlboro, 10 qutu Milano siqaretləri və 5 ədəd TİTAN siqarının Xəzər dənizi vasitəsilə qeyri-qanuni yolla Azərbaycan ərazisinə keçirilməsinin qarşısı alınıb. Bu barədə Dövlət Sərhəd Xidmətinin məlumatında deyilir.
Fаkt üzrə əməliyyаt-istintaq tədbirləri dаvаm еtdirilir.
Məlumatda hansı ölkənin ərazisindən qaçaqmalçılığa cəhd edildiyi açıqlanmır.
Lakin bir qayda olaraq, Xəzər vasitəsilə narkotik maddələrin və digər malların qaçaqmalçılığına cəhdlər İran tərəfdən olur.
Cəmiyyət
-
İyulun 21-də Bakıda və Abşeron yarımadasında bəzi yerlərdə arabir yağış yağacağı gözlənilir. Yarımadanın bəzi yerlərində yağıntının qısamüddətli intensivləşəcəyi, şimşək çaxacağı ehtimalı var. Gündüz kəsiləcək. Mülayim şimal-qərb küləyi səhər və gündüz bəzi yerlərdə arabir güclənəcək. Havanın temperaturu gecə müsbət 20+25, gündüz müsbət 30+34 dərəcə olacaq. Milli Hidrometeorologiya Xidməti bildirib.
-
İyulun 13-dən 19-dək polis əməkdaşları Xankəndi şəhərində 25 avtomat, 6 tüfəng, 17 qumbara, 11 sigorta, 39 maqazin, 1965 ədəd müxtəlif çaplı patron, 3 süngü- bıçaq və digər döyüş sursatı aşkar edərək götürüblər. Bu barədə Azərbaycan Daxili İşlər Nazirliyinin məlumatında deyilir.
-
Azərbaycan Respublikası Müdafiə Nazirliyi, Baş Prokurorluq, Daxili İşlər Nazirliyi və Minatəmizləmə Agentliyinin mətbuat xidmətləri məlumat verir ki, iyulun 19-da Kəlbəcər rayonunun Ağdaban kəndi ərazisində minalardan təmizlənməmiş ərazidə mina hadisəsi baş verib.
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
Rəy yaz