ABŞ antisemitizmə qarşı mübarizədə ölkələri birləşdirir

Cümə günü ABŞ bəyan edib ki, Azərbaycan da daxil olmaqla, bir çox ölkəyə müraciət  edərək antisemitizmə qarşı mübarizə səylərini birləşdirməyə çağıracaq, Turan-ın Vaşinqton müxbiri bildirib.

Bu həftənin əvvəlində ABŞ Avropa Komissiyası və Amerika Dövlətləri Təşkilatı ilə birlikdə artmaqda olan antisemitizmə qarşı tədbir görmək və bu hala qarşı strategiya və fəaliyyət planlarını formalaşdırmaqda hökumətlərə kömək etməklə bağlı 30-dan çox ölkənin öhdəliyini elan edib.

Rəhbər prinsiplər Buenos-Ayresdə qəbul edilib və hüquqi baxımdan məcburi deyil. Dövlət Departamentinin məlumatına görə, buna antisemitizmə qarşı mübarizə və monitorinq siyasəti daxildir.

"Bu qlobal prinsiplərin antisemitizmi aradan qaldıracağı ilə özümüzü aldatmırıq. Ancaq hesab edirik ki, antisemitizmə qarşı mübarizədə onlar təkcə hökumət liderləri üçün yox, həm də yerli hakimiyyət orqanları, qeyri-hökumət təşkilatları rəhbərləri, universitetlər üçün çox yaxşı plan təqdim edirlər", - antisemitizmə qarşı mübarizə və monitorinq üzrə xüsusi nümayəndəs Debora Lipştadt cümə günü brifinqdə jurnalistlərə bildirib.

“Rusiya qarşı öz təbliğatının və  müharibə səylərinin bir hissəsi kimi Ukraynaya qarşı antisemitizmdən, nasizm və faşizmlə bağlı ittihamlardan istifadə edib", -Lipştadt Turan-ın müxbirinə deyib.

Azərbaycanın potensial iştirakına dair sualın cavabında Lipştadt deyib ki, ABŞ bu məsələ ilə bağlı mütləq Bakı ilə əlaqə saxlayacaq.