4 neftçinin axtarışı davam etdirilir (YENİLƏNİB)

Səngəçal yaxınlığındakı platformada bu gün baş vermiş qəza nəticəsində dənizə düşdüyü ehtimal olunan 4 neftçinin axtarışı davam etdirilir. Bu barədə SOCAR-ın məlumatında bildirilir.

Platforma yıxıldığı zaman ərazidə 41 nəfər işləyirdi. Qəza-xilasetmə briqadasının operativ tədbirləri nəticəsində 37 nəfər sahilə təxliyə olunub. Xəsarət alanlara zəruri tibbi yardım göstərilib.

Hazırda dənizə düşdüyü ehtima olunan dörd nəfərin axtarışları davam etdirilir.

Qəzanın səbəblərinin araşdırılması üzrə xüsusi komissiya yaradılıb. -06D-

2014 Oktyab 23 (Cümə axşamı) 14:45:27

Azərbaycan Dövlət Neft Şirkətinin (SOCAR) Nərimanov adına NQHİ-nin 441 nömrəli sahəsində qəza baş verib.

SOCAR-ın məlumatına görə, estakadada dağılma baş verib və kiçik vaqon dənizə düşüb. Bundan başqa, 700 mm-lik qaz kəmərində qırılma nəticəsində yanğın başlayıb.

FHN-dən Turan-a verilən məlumata görə, 12.20-də bu idarəyə Nərimanov adına NQHİ-nin estakadasında yanğın haqqında məlumat daxil olub.

Hadisə yerinə təcili olaraq “Vixr-5” yanğınsöndürmə gəmisi, helikopterlərlə xilasedicilər göndərilib.

Dənizə düşmüş 12 nəfər xilas edilib. Yanğın söndürülüb.

Qəza baş verən quyu dənizdə Səngəçal qəsəbəsindən 2 km cənub-şərqdə yerləşir. -06D-