Britaniyanın Oxfam beynəlxalq humanitar yardım şirkəti “Məsuliyyətli yerli idarəetmə vasitəsilə sağlam icmaların inkişafı” beşillik layihəsini başa çatdırıb. Bununla əlaqədar təşkilat cümə günü konfrans keçirib və “İlkin səhiyyə xidmətləri sahəsində islahatlar” modelinin yaradılması təcrübəsini bölüşüb.
“Biz inanırıq ki, ilkin səhiyyə xidməti hamı üçün əlçatan və münasib olmalıdır. Bizim layihəmiz ona görə hazırlanıb ki, həssas təbəqədən olan insanlar, xüsusilə yoxsullar ilkin səhiyyə xidmətinin olmamasından və ya aşağı keyfiyyətli olmasından əziyyət çəkməsinlər”, -Oxfam-ın Azərbaycan üzrə direktoru Şövkət Əlizadə bildirib.
Layihə çərçivəsində 49 icmaya yardım göstərilib: Bərdə (23), Tərtər (13), Goranboy (5), Oğuz (4), Yevlax (4). Beləliklə, layihədən 50 mindən çox adam yararlanıb.
Hər icmada 49 tibb məntəqəsi tibbi avadanlıqla və 80 növ dərman preparatı ilə təchiz edilib. 21 məntəqədə bərpa və tikinti işləri aparılıb, 12 yaşayış məntəqəsində su təchizatı və kanalizasiya xətti bərpa edilib.
Layihənin məqsədlərindən biri 49 icmada icma əsaslı ilkin tibbi xidmətin yaradılmasıdır. Bu model ailələrə əvvəlcədən cüzi ödəniş verməklə əsas dərmanların təminatı və ilkin müalicə almaları üçün imkan yaradır.
Sorğu göstərib ki, layihənin həyata keçirildiyi icmalarda ailələrin xərcləri 148,1 manatdan 64,2 manatadək azalıb. Həmin dövrdə layihə ilə əhatə olunmayan ailələrdə səhiyyə xərcləri 127,2 manatdan 237,5 manatadək artıb.
Layihə Aİ, Oxfam, “Medikor” Fondu tərəfindən maliyyələşdirilib və yerli QHT-lər ilə əməkdaşlıq şəraitində həyata keçirilib.-06C-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz