Elşad Abdullayevdən növbəti qalmaqallı video

Sosial şəbəkələrdə “rejissor” Elşad Abdullayevin deputat epopeyasından növbəti seriya yayımlanıb. Beynəlxalq Universitetin keçmiş rektoru gizli kamera ilə çəkilmiş və parlamentdə deputat yerləri uğrunda alveri ifşa edən bir neçə süjeti artıq Youtube-da yerləşdirib.

Lakin həmin qalmaqalda əsas rolların icraçılarından biri də Sabir adına kitabxananın direktoru Sevinc Babayevadır. O, pulların E.Abdullayevdən alınıb sonradan hakimiyyətə çatdırılmasında vasitəçi olub.  

Yeni videoada E.Abdullayevlə S.Babayeva arasında dialoq gedir. Onlar “işgüzar məsələləri” müzakirə edirlər. S.Babayeva deyir ki, G.Əhmədova seçkiləri başqa namizədə uduzub, ona görə də axşam saat 11:00-da Prezident Administrasiyasının rəhbəri Ramiz Mehdiyevə zəng vurub. Bundan sonra bütün seçki məntəqələrindəki protokollar yenidən yazılıb, Namazovun tərəfdarları isə öz hüquqlarını müdafiə edərkən qovulublar, qovulublar.

S.Babayeva bildirir ki, pullar ($1 mln.) Ramiz Mehdiyevə verilib və onlar G.Əhmədova ilə birlikdə pulları kabinetdə sayıblar. O, buna inanmayan E.Abdullayeva məhrəmanə şəkildə deyir ki, “Gülər Əhmədova ölkənin ikinci adamının xüsusi tapşırıqlarını yerinə yetirir”. 

G.Əhmədovaya tapşırılıb ki, ölkə daxilində hakimiyyəti söyən, xarici konfranslarda isə keçid dövrünün ağırlığından danışan müxalifətin bir hissəsini “yedirtsin”. 

Onlardan biri Ümid Partiyasının sədri İqbal Ağazadədir. Ona tapşırılıb ki, müxalifətçi namizəd Arzu Səmədbəylini razı salsın və o da müəyyən haqqın müqabilində deputat mandatından imtina etsin.

A.Səmədbəyli E.Abdullayevin dairəsində onun rəqibi olub və S.Babayeva deyir ki, əgər dövlət başçısı A.Səmədbəylinin namizədliyini tövsiyə edirsə, E.Abdullayevin verdiyi bir milyonun əvəzində onun qardaşlarından birini Binəqədi rayonuna icra başçısı qoymaq olar, onun özünü isə Sumqayıt şəhərinə hakim. 

Lakin E.Abdullayev bu təklifdən imtina edir və deyir ki, o, məhz deputat kreslosu üçün pul verir və parlamentin Hüquq siyasəti komitəsinin rəhbəri olmaq istəyir.

Sonra S.Babayeva Ramiz Mehdiyevin maraqlı xarakteristikasını verir. Onun sözlərinə görə, G.Əhmədova ilə birlikdə onun kabinetində pulları sayandan sonra R.Mehdiyev onlara heç olmasa 50 min də verməyib. “O simicdir”, - S.Babayeva vurğulayıb.-17D—