Bakı/21.12.18/Turan: Dekabrın 20-də axşam saatlarında paytaxtın Xətai rayonunda qətl törədilib. Təsdiqini tapmamış məlumata görə, keçmişdə ləğv edilmiş MTN-də işləmiş 45 yaşlı Fariz Vahabov evinin həyətində qətlə yetirilib.
Vahabov maşınından endikdə naməlum şəxs ona bir neçə dəfə atəş açıb. O, hadisə yerindəcə dünyasını dəyişib, qatil isə cinayət yerindən qaçıb gizlənib.
Xətai rayon prokurorluğundan Turan-a bildiriblər ki, faktla bağlı 120.1 (qəsdən adam öldürmə) və 228-10ci (qanunsuz silah saxlama) maddələrilə cinayət işi açılıb.
Hələlik cinayətin səbəbləri məlum deyil. Saxlanılan yoxdur. Şübhəli bilinən şəxslərin kimlikləri hələlik müəyyən edilməyib.
Amma rayon prokurorluğundan öldürülən şəxsin keçmişdə MTN zabiti olduğu barədə məlumatı təsdiq etməyiblər. Prokurorluq nümayəndəsi qeyd edib ki, onun 6-7 il əvvəl MTN-də işləməsi barədə ilkin məlumat olub, amma sonradan bu məlumat təsdiqini tapmayıb. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz