94 QHT-lər MSŞT-ni Azərbaycanın bu təşkilatda iştirakını dayandırmamağa çağırıb
Mədən Sahəsində Şəffaflığın Artırılması Təşəbbüsü üzrə QHT Koalisiyasının üzvü olan 140 təşkilatdan 94-ü MSŞT beynəlxalq idarə heyətinin martın 8-9-da Boqotada keçiriləcək iclasının iştirakçılarına müraciət ediblər.
Müraciətdə qeyd olunur ki, MHŞT yerli vətəndaş cəmiyyətinə hökumətlə əməkdaşlıq, müzakirə və qərarların qəbulu prosesində iştirak imkanları təqdim edir. Bu baxımdan Azərbaycanın MHŞT-də fəaliyyətinin davam etməsi yerli vətəndaş cəmiyyəti üçün də çox mühümdür və taleyüklü məsələdir.
Bu hökumətyönlü QHT-lər qrupunun nümayəndəsi Əliməmməd Nuriyev iddia edir ki, MSŞT beynəlxalq idarə heyətinin irəli sürdüyü Tədbirlər və Tövsiyələr Planı yerinə yetirildikdən sonra vətəndaş cəmiyyəti ilə bağlı vəziyyət "xeyli yaxşılaşıb". Müraciətdə qeyd edilib ki, Koalisiya üzvlərinin üzləşdikləri praktiki problemlər əsasən həll edilib, qrantların qeydiyyatı prosedurlarında və donorların fəaliyyətini tənzimləyən qaydalarda xeyli sadələşdirmələrə dair hokumət müvafiq qərarlar qəbul edib. Hökumətlə müzakirələr deməyə əsas verir ki, bu proses artıq davamlı xarakter alıb və mövcud probləmlərin həlli istiqamətində qərarların qəbulu davam edəcək, deyə müraciətdə bildirilir.
Müraciət müəllifləri Koalisiya Şurasının 6 üzvünü beynəlxalq idarə heyətini yanlış məlumatlandırmaqda ittiham ediblər. Azərbaycanın MSŞT-də üzvlüyü dayandırılarsa, buna görə məsuliyyət həmin "altılığın" üzərində olacaq, müraciətin müəllifləri bildirirlər.
Turan qeyd edir ki, Koalisiya Şurasının üç üzvü digər beş üzvdən fərqli olaraq, hökumətin MSŞT idarə heyətinin tövsiyələrini tam həcmdə yerinə yetirmədiyini hesab edir.
Bir müddət əvvəl bir sıra QHT-lər MSŞT-yə Azərbaycan hakimiyyətinin beynəlxalq idarə heyətinin tələblərini yerinə yetirmədiyini və vətəndaş cəmiyyəti və müstəqil QHT liderləri üçün şərait yaranmadığını nəzərə almaq çağırışı ilə müraciət göndəriblər. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz